Buxoro Davlat Universitetining “Matematik fizika va analiz”, “Ingliz filologiyasi”, “Boshlang’ich va maktabgacha ta’lim” kafedralari bilan Buxoro shahar 23-umumiy o’rta ta’lim maktabi hamkorlikda 2015 yil 25 noyabr kuni viloyat miqyosida“Ta’lim jarayonida zamonaviy pedagogik texnologiyalardan foydalanish usullari” mavzusida ilmiy-amaliy seminar o`tkazildi. Tabirda Buxoro VXTB Metodika markazi rahbari Z.Hojiyeva, mutaxassilari M.Nuraliyeva, G.Karimova, Buxoro davlat universiteti “Matematik fizika va analiz” kafedrasi mudiri f.m.f.n., dotsent R.Muhitdinov, F.-m.f.n., dosent T.Rasulov, universitetining o’quv bo’limi rahbari A.Rashidov, Buxoro davlat universiteti “Boshlang’ich va maktabgacha ta’lim” kafedasi o’qituvchisi Sh.M.Farmonova, BShXTMFMTTEB metodistlari I.Ergasheva, N.Sherova, tuman XTMFMTTEBning matematika fani metodistlari 30 nafar matematika va boshlang’ich sinf o’qituvchilari, 35 nafar ingliz tili fani o’qituvchilari qatnashdilar. Tadbirni maktab direktori I.Imomova ochib berdi va so’zga chiqib, Viloyat xalq ta’limi boshqarmasining 2015 yil 9 oktyabrdagi 206-sonli, Buxoro Davlat universitetining 2015 yil 9 oktyabrdagi 376-Q/B-sonli “Xalq ta’limi tizimida faoliyat ko’rsatayotgan “Mahorat maktablari” yo’nalishida oliy ta’lim muassasalari bilan olib borilayotgan hamkorlik ishlarini takomillashtirish to’g’risida”gi buyrug’i asosida faoliyat olib borilayotgani, mazkur hamkorlik natijalari haqida gapirdi. So`ngra viloyat metodika markazi mutaxassisi M.Nuraliyeva so’zga chiqib, o’tkazilgan seminar davomida 11 ta namunali va ochiq darslar kuzatilganligi, mazkur darslar tahlili jarayonida kuzatuvchilarning bildirgan fikr-mulohazalari haqida, maktabda sinfdan tashqari o’tkazilgan tadbirlarning ham zamon talabiga mos ravishda, axborot-kommunikasion texnologiyalarni samarali qo’llagan holda tashkil etilganligi to’g’risida fikrlarini bayon etdi. Shuningdek, ma’ruzasi o’z so’zida Buxoro shahar 23-maktabning 2 yildan ortiq vaqt mobaynida BDU bilan hamkorlik faoliyati samarali tashkil etilganligi xususida ham to’xtalib o’tdi. Bundan tashkari seminarda quyidagi ma’ruzalar tinglandi: 1.“Mahorat maktabi” faoliyati samaradorligini oshirish yo’llari.Ma’ruzachi: M.Nuralieva – VXTB Metodika markazi etakchi mutaxassisi. 2. “Ingliz tili darslarida didaktik o’yinlardan foydalanish”. Ma’ruzachi: M.Nukarova – VXTB ingliz tili mutaxassisi. 3. “Ingliz tili darslarida o’quvchilarda kommunikativ muloqotni shakllantirish usullari. Ma’ruzachi: R.Ergasheva – BVXTXQTUMOI o’qituvchisi. 4. “Koordinata o’qlari” mavzusini o’tishda ZPTlardan foydalanish yo’llari”. Ma’ruzachi: R.Muxiddinov – BDU “Matematik fizika va analiz” kafedrasi mudiri, F.-m.f.n. 5. “Boshlang’ich sinf o’quvchilarini mutaqil tadqiqotchilikka o’rgatish usullari”. Ma’ruzachi: Sh.Farmonova -BDU “Boshlang’ich va maktabgacha ta’lim” kafedrasi o’qituvchisi. “Ta’lim jarayonida zamonaviy pedagogik texnologiyalardan foydalanish usullari” mavzusida ilmiy-amaliy seminar mazmunli samarali o`tdi.
