Bugun, 9-iyul kuni Buxoro davlat universitetida Prezidentimiz Shavkat Miromonovich Mirziyoyev tomonidan “Uzum yetishtirish, uni sanoat usulida qayta islashni yanada rivojlantirish” bo`yicha o`tkazilgan videoselektor yig`ilishidan kelib chiqqan holda uzumchilikni rivojlantirish mavzusidagi ilmiy-seminar o`tkazildi.Ilmiy-seminarda BuxDU Ilmiy ishlar va innovatsiyalar bo‘yicha prorektori, i.f.d., dotsent. O.S. Qahhorov, Akademik Mahmud Mirzayev nomidagi bog‘dorchilik, uzumchilik va vinochilik ilmiy-tadqiqot instituti Buxoro tajriba stansiyasi direktori M.A. Saidov, Buxoro viloyati qishloq xo‘jaligi boshqarmasi mutaxassisi F.F. Otamurodov, Buxoro viloyati '' Shoxrud'' AJ da bosh texnologi L.R. Djurayev, BuxDU Tuproqshunoslik kafedrasi mudiri, b.f.n., dotsent F.X.Jumayev, BuxDU Agronomiya va biotexnologiya fakulteti dekani, b.f.d., professor H.T. Artikovalar o`zlarining fikr-mulohazalari bilan ishtirok etishdi.Seminar avvalida BuxDU rektori O.X. Xamidov so`zga chiqib, Buxoro viloyatida uzum yetishtirish istiqbollari xususida gapirdi: – Ma’lumki, uzumchilik – bu xalqimizning asrlar davomidagi milliy dehqonchilik madaniyati, qadriyati, g‘ururi va daromad manbayi hisoblanadi, qolaversa, xalqimizning turmush tarzi va urf-odatlarimiz bilan, bevosita bog‘lanib ketgan. Davlat rahbari tomonidan respublikamizning 44 ta tumani uzumchilikni rivojlantirish bo‘yicha eksperiment sifatida tanlab olinganini ma’lum qilindi. Bu tumanlar orasida Buxoro viloyatidan ham 4 ta tuman tanlab olindi (Gʻijduvon, Shofirkon, Qorako‘l, Peshku). Bundan tashqari, Oltiariq va Forish tajribasi asosida Ellikqal’a, Asaka, Jalaquduq, Buloqboshi, Forish, Yangiobod, Zomin, Gʻallaorol, Kitob, Shahrisabz, Chiroqchi, Yakkabog‘, Qamashi, Xatirchi, Nurota, Qiziltepa, Pop, Chortoq, Yangiqo‘rg‘on, Kosonsoy, Bulung‘ur, Kattaqo‘rg‘on, Qo‘shrabot, Ishtixon, Urgut, Toyloq, Payariq, Uzun, Sariosiyo, Oltinsoy, Sirdaryo, Xovos, Mirzaobod, Parkent, Qibray, Toshkent, Oltiariq, Qo‘shtepa, Farg‘ona va Bog‘ot tumanlarida (jami – 44 ta) bu kabi ishlarni tashkil etish topshirig‘i berildi. Bu tumanlarning har birida yil yakunigacha kamida 1 ming gektardan yangi eksportbop plantatsiyalar tashkil etiladi.“Keksa dehqonlarimiz uzumzorlarni “ Qishda ko‘l qil, yozda cho‘l qil” deb bekorga ta’kidlashmagan. Sababi uzum ko‘chatlari vegetasiya davrida sug‘orishga unchalik ham talabchan emas. Paxta va g‘alla maydonlariga nisbatan har yili kamida 50-60% suv tejash imkoniyati paydo bo‘ladi. Ayniqsa cho‘l bilan chegeradosh hududlarda uzumzorlardan iborat polosa ya’ni yo‘laklar joriy qilish ushbu hududlardan dehqonchilik hududlariga kirib keladigan issiq havo oqimlari va qum ko‘chkilari va ularning zararli ta’sirini kamaytirish imkonini beradi. “O‘rta Osiyo hududi qachonlardir cho‘llanishga mahkum” degan fikrlar internet va ijtimoiy tamoqlarda tobora ko‘proq uchramoqda. Tobora jadallashib borayotgan cho‘llanish jarayonini oldini olish yoki sekinlashtirish, har bir gektar dehqonchilikka yaroqli maydondan samarali foydalanish, aholini ish bilan ta’minlash va kambag‘allikni kamaytirishda, hududddagi mavjud suvlarni tejash va sho‘rlanishni oldini olish kabi ekologik muammolarni oldini olishda uzumchilik sohasini rivojlantirish va uzumzorlar maydonlarini kengaytirish orqali ijobiy natijalarga erishish mumkin,” – dedi Akademik Mahmud Mirzayev nomidagi bog‘dorchilik, uzumchilik va vinochilik ilmiy-tadqiqot instituti Buxoro tajriba stansiyasi direktori M.A.Saidov Buxoro viloyatida uzum yetishtirish istiqbollari xususida gapirib.Ilmiy-seminar davomida Buxoro davlat universiteti Agronomiya va biotexnologiya fakultetida uzumchilikni rivojlantirish bo‘yicha bir qator vazifalar belgilandi. Xususan, Akademik Mahmud Mirzayev nomidagi bog‘dorchilik, uzumchilik va vinochilik ilmiy-tadqiqot instituti Buxoro tajriba stansiyasi bilan hamkorlikni yanada kuchaytirish va Tuproqshunoslik kafedrasi filialini ochish belgilandi. Fakultetdagi mavjud Meva va uzumchilik ta’lim yo‘nalishi talabalarini malakaviy amaliyotlarini uzumchilik bo‘yicha respublikamizning rivojlangan fermer xo‘jaligida o‘tkazishni tizimli tashkil etish bo`yicha topshiriqlar berildi. Fakultetning tajriba xo‘jaligi yerlarida sertifikatlangan uzum ko‘chatlari yetishtirish va bir qancha navlarinidan iboat uzum plantasiyalarining tashkil etish kerakligi aytildi. Uzumni qayta ishlash va mayiz quritish tizimini yo‘lga qo‘yish belgilandi. Buxoro viloyati noqulay iqlim va sho‘rlangan tuproqlar sharoitida uzum yetishtirish, kasallik va zararkunandalardan himoya qilish bo‘yicha fermer xo‘jaligi hamda tomarqa yer egalari uchun tavsiyalar ishlab chiqish topshirig`i berildi.BuxDU Matbuot xizmati
