Ma’lumki, jismoniy va yuridik shaxslarning murojaatlarini qonuniy va o‘z vaqtida ko‘rib chiqish, ular tomonidan bildirilgan e’tirozlarni tezkorlik bilan hal qilish choralarini ko‘rish har-bir rahbarning eng birlamchi vazifalaridan biridir. Zero, muxtaram Prezidentimiz ta’kidlaganlaridek, “Xalq davlat idoralariga emas, davlat idoralari xalqimizga xizmat qilishi kerak va bu haqiqatni avvalo barcha bo‘g‘indagi rahbarlar yaxshi tushunib olishi zarur”.Ta’kidlash lozimki, Buxoro davlat universitetida har haftaning seshanba va juma kunlari rektorning qabul kunlari tashkil etilmoqda. Fuqarolar shaxsan birinchi rahbar tomonidan qabul qilinib, muammo, taklif va e’tirozlar batafsil ko‘rib chiqiladi. Barcha muammolar bo‘yicha qonuniy qarorlar qabul qilinib, zarur hollarda qonun doirasidagi tushuntirish va tavsiyalar beriladi. Shunday qabullardan biri bugun 30 iyul kuni bo‘lib o‘tdi. Murojaatchilar o‘qishini qo‘shni davlatdan ko‘chirish, o‘qishga qabul qilinishida qo‘laniladigan imtiyozlar, ishga kirish kabi masalalar bo‘yicha o‘z savollari bilan murojaat qilishdi. Fuqarolarga hukumatimiz tomonidan qabul qilingan me’yoriy huquqiy hujjatlar, belgilangan qoidalar va joriy etilgan qulayliklar xususida ma’lumotlar berildi. Shu bilan birga, fuqarolar respublika oliy ta’limi tizimi, xususan. Buxoro davlat universitetida ta’lim olish uchun yaratilgan shart-sharoitlar, o‘zgarishlar va istiqbolda kutilayotgan yangiliklar bo‘yicha xabardor qilindi.BuxDU Matbuot xizmati
