Joriy yilning 21 iyul kuni Fanlar akademiyasi Boshqaruv apparati binosida Prizidentimiz ''O'zbekiston Respublikasida yoshlarga oid davlat siyosatini amalga oshirishga qaratilgan qo'shimcha chora-tadbirlar'' to'g'risidagi Qarorini ijrosini ta'minlash maqsadida O'zbekiston kasaba uyushmalari Federatsiyasi Kengashi tomonidan tashkil etilgan ''Yilning eng faol yosh mutaxassisi'' tanlovi doirasida ''Eng faol yosh olim'' tanlovining Respublika bosqichi o'tkazildi.Unda turli yo'nalishlar bo'yicha ilmiy-tadqiqot ishlarini olib borayotgan, inovatsion g'oyalarni ilgari surib kelayotgan 14 nafar (Qoraqalpog'iston Respublikasi, viloyatlar va Toshkent shahridan) yosh ixtirochi-olimlar o'zaro bellashdilar. Tanlov shartlari ilm yo'lidan borayotgan yoshlar faoliyatlarini yanada samaradorligini oshirishga qaratilgan uslub va tajribalarini sinovdan o'tkazdi. Xususan, yosh tadqiqotchilar tomonidan taqdim etilgan hujjatlarda xorijiy davlatlarning nufuzli ilmiy muassasalarida malaka oshirganligi, yangi ixtirolar, nou-xau, ilmiy-texnik ishlanmalari, ilmiy natijalar va fanga doir natijalarini yorituvchi orginal monografiyalar, darsliklar, o'quv qo'llanmalar hamda xorijda va Respublikamizda nashr qilingan ilmiy-ommabop maqolalar, anjumanlardagi ishtiroki, Davlat ilmiy-texnika dasturlaridagi ishtiroki o'z aksini topdi.Hakamlar hay'ati tomonidan tanlovning 1-,2-,3-o'rin g'oliblari aniqlanadi. Unga ko'ra Buxoro viloyat bosqichida g'olib topilgan Buxoro davlat universiteti katta ilmiy xodimizlanuvchisi, dosent H.O.Jo'rayev ishtirok etib faxrli 3-o'rinni egalladi. Shuningdek, ishtirokchilar ''Eng ilmiy salohiyatli olim'', ''Eng zakovatli olim'' kabi 11 ta nominatsiyalar bo'yicha taqdirlandi. G'oliblar esdalik sovg'alar va diplomlar bilan birgalikda Mustaqilligimizning 24 yilligi oldidan tashkil etiladigan ''Yosh mutaxassislar '' Respublika forumida ishtirok etish yo'llanmasini ham qo'lga kiritdilar. Tanlov ishtirokchilarining o'z iqtidorlari va tajribalariga ko'ra Kasaba uyushmalari Federatsiyasi tomonidan yosh mutaxassislarning o'z inovatsion g'oyalarini yanada rivojlantirish va hayotga tadbiq etishlari maqsadida ajratilayotgan maxsus grantlarini qo'lga kiritish imkoniga ham ega bo'ldilar Ushbu tanlov eng faol yosh mutaxassislar yaratayotgan yangiliklarni moddiy va ma'naviy qo'llab-quvvatlash orqali ular g'oya va ishlanmalarini hayotga tadbiq etish, buning natijasida Respublikamizning ijtimoiy-iqtisodiy rivojini yanada yuksaltirishgaxizmat qiladi.
