Bugun BuxDUning faollar yig`ingohida universitetimizning 90 yillik yubileyi hamda mustaqilligimizning 30 yilligiga munosabati bilan Buxoro davlat universitetining 2021/2022-o`quv yili 1-yig`ilishida diplom berish marosimi bo`lib o`tdi. Unda universitet rahbariyati, fakultet dekanlari, kafedra mudirlari, professor-o'qituvchilardan iborat kengash a’zolari ishtirok etishdi.Yig'ilishni Buxoro davlat universiteti rektori, iqtisodiyot fanlari doktori, professor Obidjon Xamidov ochib berib, universitetimizning 90 yillik yubileyi hamda mustaqilligimizning 30 yilligi bilan universitet jamoasini tabrikladi. Shu munosabati bilan 30 nafar ilmiy unvon va daraja olgan professor-o`qituvchilar va qo`shma ta’lim dasturlarini bitirib, magistrlik darajasini olgan yoshlar diplomlar bilan birma-bir taqdirlandilar. – Hurmatli jamoa, qadrli yoshlar! Yangi o`quv yilini boshlashdan oldin tarixiy bir sana arafasida turibmiz. Eng ulug` va eng aziz bayramlarimizdan biri bo`lgan mustaqilligimizning 30 yilligi barchangizga qutlug` bo`lsin. 30 yil davomida O`zbekiston o`zining yuksak salohiyati natijasida dunyo hamjamiyatida, Markaziy Osiyoda liderlik pozitsiyasini egalladi. Respublikamizda birgina oliy ta’lim sohasini olib qaraydigan bo`lsak, so`nggi oylardagi o`zgarishlarning o`zi ta’lim tizimini tub ma’noda isloh qildi, desak aslo mubolag`a bo`lmaydi. Shu munosabat bilan ilmiy salohiyatimizni ko`tarishga o`z hissasini qo`shgan 5 nafar professor unvoni sohibi, 7 nafar dotsent, 2 nafar fan doktori, va PhD darajasini olgan bir guruh pedagog xodimlarimizni taqdirlaymiz. Bayram arafasida ular qatorida qo`shma ta’lim dasturlarimizda magistratura bosqichini yakunlagan bir guruh yoshlarimiz ham o`qishni bitirib, magistrlik darajasini olganliklari bilan muborakbod etaman.ProfessorlarDotsentlar Fan doktorlari (DSc)Falsafa doktorlari (PhD) BuxDU Matbuot xizmati