2021 yilning 30-iyul sanasida BuxDU rektori, professor O.X.Xamidov, Pedagogika instituti direktori M.Daminov Buxoro shahridagi 7-umumiy o’rta ta’lim maktabi direktori hamda pedagoglari bilan uchrashuv o’tkazdilar.Tashrif buyuruvchilar maktbda o`quvchilar uchun yaratilgan shart-sharoitlarni ko`zdan kechirish asnosida Xalq Ta’limi Vazirligi tomonidan viloyatdagi barcha informatika o`qituvchilari uchun o`tkazilayotgan o`quv seminar-treningida ishtirok etdilar. BuxDU rektori O.Xamidov o`tkazilgan suhbat davomida umumiy o’rta ta’lim maktabida tahsil olayotgan o’quvchilarning ilm-fan va kasb-hunarga bo’lgan qiziqishini kuchaytirish, universitet professor-o’qituvchilarining ilmiy-pedagogik salohiyati va tajribalaridan samarali foydalangan holda ilg’or o’qitish uslublarini maktablaridagi ta’lim jarayoniga mos ravishda tadbiq etish va maktab bitiruvchilarini oliy va o’rta maxsus ta’lim muassasalariga kirish test sinovlarini muvaffaqiyatli topshirishlarining ahamiyati kabi muhim va dolzarb vazifalarni hamkorlikda amalga oshirish haqida tomonlar o’z fikrlarini bildirdilar.Joriy yilda ushbu maktabda informatika fanidan olimpiada o`tkazilishi rejalashtirilgan. Olimpiadada muvaffaqiyatga erishgan o`quvchi Buxoro davlat universitetiga grant asosida o`qishga qabul qilinishi ko`zda tutilgan.BuxDU Matbuot xizmati
