Buxoro Davlat universiteti rektorining buyruqlariga asosan Buxoro Davlat Universiteti bilan Buxoro shahridagi 39-IDUMda geografiya fanining o`qitilishi, turli tadbirlar olib borish borasida o`zaro shartnoma yo`lga qo`yilgan. Mutaxassis fan o`qituvchilaridan Tabiiy fanlar fakultetining Tuproqshunoslik va geografiya kafedrasi katta o`qituvchisi I.Mirzoyeva bilan shu kafedraning o`qituvchisi M.Qurbonova biriktirilgan.{flike}9-aprel kuni Buxoro shahridagi 39-IDUM geografiya fani o`qituvchisi R.Zabiyeva boshchiligida VII –sinf o`quvchilarini BuxDuning Tabiiy fanlar fakultetiga kelishdi. O`quvchilar Universitetning Zoomuzeyida kirib u erdagi turli xil hayvonot dunyosi bilan tanishdilar. Biologiya kafedrasi o`qituvchisi M.Xonchaeva muzeydagi ekspanatlar to`g`risida ma’lumot berib o`tdi. O`quvchilar o`zlarini qiziqtirgan savollarga javob olishdi. Muzeyda rasmlarga tushib, katta taasurot bilan chiqishdi. Fakultetning II-qavat, 215-xonasida“O`rta Osiyo va O`zbekistondagi maxsus qo`riq maskanlari va ularning geografik joylashish xususiyatlari” mavzusida tadbir bo`lib o`tdi. Tadbirda kafedra katta o`qituvchisi I.Mirzoyeva o`quvchilarga Geografiya kafedrasi tarixi haqida to`xtalib, hozirgi kunda faoliyat ko`rsatayotgan professor-o`qituvchilar to`g`risida ma’lumot berdi. Kafedraning o`qituvchilaridan: Z.Anvarova, A.Ne’matov, M.Qurbonovalar tadbirda ishtirok etib o`zlarining fikr-mulohazalarini bildirishdi. I.Mirzoyeva so`zga chiqib, O`rta Osiyoning tekislik, tog`li va tog`oldi hududidagi qo`riqxonalar hamda biosfera qo`riqxonasi maqomiga ega qo`riqxonalar, maxsus qo`riq maskanlari bilan bog`liq muammolar shu jumladan O`zbekistondagi maxsus qo`riq maskanlari to`g`risida to`xtalib, har bir qo`riqxonaning o`ziga xosligi, nima maqsadda tashkil qilinganligi, jumladan Buxoro viloyatida tashkil etilgan maxsus qo`riq maskanlar haqida ham axborot berib o`tdi. Mavzu yuzasidan 15 ga yaqin slaydlar tayyorlangan bo`lib, o`quvchilar o`zlari qiziqtirgan savollarini berib, javob olishdi. R.Zabieva so`zga chiqib, O`rta Osiyo tabiiy geografiyasi kursini o`qish davomida bu ma’lumotlar kerakligi maktab darsligida qo`shimcha ma’lumot ekanligi, jumladan O`zbekistondagi birinchi tashkil etilgan qo`riqxona Zomin qo`riqxonasi uning tabiati tog`-o`rmon qo`riqxonasi undagi flora hamda fauna to`g`risida ma’lumot berib o`tdi. O`quvchilarga bugungi tadbirda olgan tassurotlari qanday o`tganligini o`quvchilardan so`radi. O`quvchilar tadbir sermazmun o`tganligi, ya’ni muzeydan ayrim yo`qolib borgan hayvonlar O`zbekiston qizil kitobiga kiritilgan bo`lib, ularni amalda ko`rganligi, haqida o`zlarining fikr-mulohazalarini bildirdi. Tadbir oxirida R.Zabiyeva o`quvchilar tadbirdan yaxshi kayfiyatda ekanligi, geografiya faniga bo`lgan qiziqish yanada uyg`onganligi ta’kidlab o`zining chuqur minnatdorchiligini bildirdi. Takliflar: • Geografiya darslarni tashkil etishda kompyuter texnologiyasidan ko`proq foydalanishlarini yo`lga qo`yish. • Geografiya darslarini o`qitishda ko`proq amaliyotdan foydalanish, o`quvchilarni estetik dunyoqarashini shakllantirish. • O`quvchilarga O`rta Osiyo tabiiy geografiyasi kursini o`tish davomida qo`shimcha Buxoro viloyati geografiyasi bilan bog`liq ma’lumotlardan foydalanish. • Universitet miqyosida geografiyaga oid tadbirlarni geografiya bakalavr ta’lim yo`nalishi talabalari bilan maktab o`quvchilari orasida o`tkazish ko`pgroq yo`lga qo`yish kerak.
