Buxoro davlat universitetida 28 aprel kuni akademik litsey va kasb-hunar kolleji bitiruvchilari bilan “Toshkent shahridagi Inxa universitetining 2015-2016 o`quv yili qabuli”ga oid uchrashuvi o`tkazildi. Uchrashuvda Buxoro davlat universiteti akademik litsey va kasb-hunar kollejlar bilan ishlash bo`yicha prorektor G`.I.Botirov, Buxoro davlat universiteti akademik litsey va kasb-hunar kollejlar bilan ishlash bo`limi boshlig`i A.SH.Rashidov, BuxDU qoshidagi Kompyuter va axborot texnologiyalari akademik litseyi, BuxDU qoshidagi 4-son akademik litseyi o`qituvchilari va o`quvchilari qatnashdilar.Joriy yilning 28 aprel kuni Toshkent shahridagi Inxa universitetining 2015-2016 o`quv yili qabuli jarayonlarini samarali tashkil etish, respublikadagi akademik litseylar va kasb-hunar kollejlarining bitiruvchilarini axborot-kommunikatsiya texnologiyalari sohasidagi etakchi xorijiy oliy ta’lim muassasasida tahsil olishi uchun zarur shart-sharoitlar yaratish maqsadida, mazkur universitetning Qabul komissiyasi tomonidan akademik litseylar va kasb-hunar kollejlarining bitiruvchilari hamda ularning ota-onalari ishtirokida “Toshkent shahridagi Inxa universitetining 2015-2016 o`quv yili qabuli”ga oid uchrashuv o`tkazildi. Uchrashuvni videokonferentsiya shaklida o`tib, “Toshkent shahridagi Inxa universitetining 2015-2016 o`quv yili qabuli”ga oid ma’lumotlar slaydlar orqali namoyish etildi.Uchrashuv ochiq muloqot tarzida o`tkazilib, bitiruvchi yoshlar o`zlarining qiziqtirgan barcha savollariga javoblr olishdi.
