Bugungi kunda Buxoro davlat universitetida 15 ta ixtisoslikda 8 ta ilmiy darajalar beruvchi kengashlar faoliyat ko‘rsatmoqda. 2021 yilning iyul oyida universitet huzuridagi ilmiy darajalar beruvchi kengashlarda seminar va himoyalar haftaligi e’lon qilinib, 18 nafar doktorant va izlanuvchilarning himoya oldi seminarlari tashkil etildi. Iyul oyining 8 sanasidan 30 sanasiga qadar 17 nafar doktorantlarning dissertasiya himoyalar aynan shu oliy ta’limdagi kengashda tashkil etilmoqda.Universitetda 6 oy davomida 4 ta fan doktori, 20 dan ortiq falsafa doktori diplomlari qo‘lga kiritildi. Shulardan 12 nafar tayanch doktorantlar muddatidan oldin himoya qilib, O'zbekiston Respublikasi Vazirlar Mahkamasining 696-sonli qaroriga asosan 300 mln so'm miqdorida rag‘batlantirildi. Bu himoya ham aynan 16 iyun kuni muhtaram Prezidentimiz tomonidan tomonidan Buxoro davlat universiteti rektoriga, aynan kimyo sohasida universitet salohiyatini, ayni kafedra salohiyatini oshirishda Buxoro tajribasidan foydalanish nuqtai nazarin berilgan topshiriqlarning amaliy natijasidir. Universitet tayanch doktoranti Abdurahmonov Sayfiddinning universitet huzurida tashkil etilgan kimyo fanlari bo‘yicha falsafa doktori ilmiy darajasini beruvchi kengashda muddatidan oldin qilishi himoya qilishi, bu muhtaram Prezidentimizning hududlardagi oliy ta’lim muassasalarida salohiyati oshirish uchun yaratib bergan imkoniyat va shart-sharoitlarining amaliy natijasidir. BuxDU Matbuot xizmati
