Kuni kecha telegram ijtimoiy tarmoqlarda "Buxoro davlat universitetida sirtqi bo'limda o'qiymiz. 28 iyunda yakuniy nazorat ishi qo'yilibdi. Domlalar oilaviy karantinga olingan talabalarni ham majburan chaqiryabti. Bu holatni nazoratga olishlarini so'raymiz" mavzusida maqola joylashtirildi.Ushbu maqola yuzasidan Buxoro davlat universiteti Matbuot xizmati quyidagilarni bildiradi: O‘zbekiston Respublikasiga koronavirusning kirib kelishi va tarqalishini oldini olish, Sanitariya-epidemologik osoyishtalik va jamoat salomatligi Buxoro viloyat boshqarmasining 2021 yil 21 iyundagi 13/1711-sonli xati hamda Buxoro viloyat OITSga qarshi kurashish markazining 2021 yil 16 iyundagi 10144-sonli, 2021 yil 21 iyundagi 12958-sonli xatlari hamda BuxDU rektorining tegishli buyruqi ijrosini ta’minlash maqsadida fakultetlarning ayrim guruhlari uchun masofaviy ta`lim joriy etildi. Shu o'rinda aytish joizki, universitetda biror bir talaba majburiy yakuniy nazoratga jalb qilinmagan. Kasalligi yoki boshqa asosli sababi bo'lgan talabalarning arizasiga asosan nazoratlarni masofaviy topshirishga to'la imkoniyat yaratib berilmoqda. Buning uchun masofadan turib yozma murojaat qilsa ham bo'ladi.Shuningdek, universitetda talabalar hamda fuqarolar murojaat qilishi uchun @anticorbot hamda @buxdurektorgamurojaatbot murojaat botlari yaratilgan bo'lib @buxdurektorgamurojaatbot orqali Buxoro davlat universiteti rektoriga o‘zingizni qiynayotgan muammolar hamda takliflar yuzasidan to‘g‘ridan-to‘g‘ri murojaat qilishingiz mumkin.Xozirgi kunda 10 dan ortiq talaba sirtqi bo'lim boshligi T R. Sobirovga murojaat qildi va ularga shunday imkoniyat yaratib berildi.BuxDU Matbuot xizmati
