11.01.2022

20-aprel kuni universitetga O‘zbekiston respublikasi Sanoat xavfsizligi davlat qo‘mitasi raisi B.V.G‘ulomov bilan birga Kimyoviy, biologik, radiologik va yadro xavflarini minimallashtirish bo‘yicha Yevropa Ittifoqining Ilg‘or tajriba markazlari vakillari Irina Iarema va Lela Bakanidzelar tashrif buyurishdi. Tabiiy fanlar fakulteti talabalari uchun xorijiy ekspertlarning ilmiy maʼruzalari tashkil etildi. Ekspertlar kimyoviy, biologik, radiatsiya va yadro xavfsizligini taʼminlash bo‘yicha jahonda olib borilayotgan ishlar hamda bunda O‘zbekistonning tashabbuslari va roli haqida maʼruzalar o‘qishdi. Mehmonlar xalqaro hamkorlik bo‘yicha prorektor A.Jo‘rayev bilan ham uchrashishdi. Uchrashuvda Agronomiya va biotexnologiya fakulteti dekani H.Ortiqova hamda Tabiiy fanlar fakulteti dekani E.Nazarovlar ham ishtirok etishdi. Uchrashuvda o‘zaro hamkorlik munosabatlari haqida fikr almashildi. Shu jumladan, mintaqaviy konferensiyada maʼruza bilan qatnashish uchun BuxDU vakillari taklif qilinishi hamda talabalar uchun dolzarb mavzularda vebinarlar tashkil qilish bo‘yicha kelishib olindi.BuxDU Xalqaro hamkorlik bo`limi