“Bizni hamisha o`ylantirib keladigan yana bir muhim masala – bu yoshlarimizning odob-axloqi, yurish- turishi, bir so`z bilan aytganda, dunyoqarashi bilan bog`liq. Bugun zamon shiddat bilan o`zgaryapti. Bu o`zgarishlarni hammadan ham ko`proq his etadigan kim – yoshlar. Mayli, yoshlar o`z davrining talablari bilan uyg`un bo`lsin. Lekin ayni paytda o`zligini ham unutmasin. Biz kimmiz, qanday ulug` zotlarning avlodimiz, degan da’vat ularning qalbida doimo aks-sado berib, o`zligiga sodiq qolishga undab tursin. Bunga nimaning hisobidan erishamiz? Tarbiya, tarbiya va faqat tarbiya hisobidan”. Sh.M.Mirziyoyev.2021-yil 24-aprel kuni universitet katta yig`ingohida “Akademik litsey, umumiy o‘rta ta’lim maktablarida ta’lim sifati va o‘qituvchilarning kasbiy mahoratini oshirish, metodik qo‘llab-quvvatlash bo‘yicha “Ochiq eshiklar kuni” tadbiri bo'lib o'tdi. Tadbirni Buxoro davlat universiteti rektori O.X.Xamidov ochib berdi. O‘quv ishlari bo‘yicha prorektor M.I.Daminov, xalqaro hamkorlik bo‘yicha prorektor A.T.Jo‘rayev so'zga chiqishdi. Ushbu tadbirda BuxDUga hamkor Buxoro viloyatidagi umumiy o‘rta ta’lim maktabi o‘qituvchilari va bitiruvchilari, BuxDU huzuridagi Qorako‘l akademik litseyi o‘qituvchi va bitiruvchi kurs talabalari ishtirok etishdi. Tadbir davomida universitetda tahsil olayotgan iqtidorli, davlat mukofoti sovrindori bo‘lgan talabalar chiqishlari, universitetda tahsil olayotgan talabalarning badiiy chiqishlari, universitetning o’quv binosi, muzey, laboratoriya xonalariga ekskursiya tashkil etildi.BuxDU Matbuot xizmati