Joriy yilning 19 iyun kuni “Talaba-yoshlar” telegram-kanalida Buxoro davlat universitetida bitiruvchilarning "obxodnoy" varaqasiga pechat qo‘yib berish evaziga 2-bo‘lim xodimlari 5000 so‘mdan pul talab qilgani haqidagi xabarlar tarqatildi. Ushbu xabar yuzasidan shu kunning o‘zida universitet mas’ul xodimlarilan iborat guruh tuzilib, o‘rganish ishlari olib borildi. Haqiqatan ham bitiruvchi kurs talabalari tomonidan tegishli ma’lumotlarni o‘zida mujassam etgan “aylanma varaqa”ni to‘ldirish amaliyoti mavjud.Biroq, 2-bo‘lim xodimlari “aylanma varaqa”ga muhr bosish evaziga pul talab qilish holati aniqlanmadi. Turli xildagi korrupsion harakatlar, xususan ta’magirlikka qarshi kurashish borasida universitetda izchillik bilan keng qamrovli tadbirlar olib borilmoqda. Agarda talabalarda asosli e’tirozlar bo‘lgan taqdirda yoki qiynayotgan muammolar hamda takliflar yuzasidan @buxdurektorgamurojaatbot,@anti_corbot orqali to‘g‘ridan-to‘g‘ri rahbariyatga murojaat qilish imkoniyati yaratilgan. Murojaat qilganlarning shaxsiy ma’lumotlari sir saqlanadi. Qo‘shimcha: Universitetda barcha jarayonlar raqamlashtirilmoqda. Kelgusi o‘quv yilidan “aylanma varaqa”ni ham elektron shaklda to‘ldirish yo‘lga qo‘yilib, inson omilining ishtiroki to‘liq bartaraf etiladi.BuxDU Matbuot xizmati
