2021 yilning 18-mart kuni Buxoro davlat universitetiga Qo’qon universiteti rektori Mustafakulov Sherzod Igamberdiyevich tashrif buyurdi. Mehmonni universitet rektori Obidjon Xamidov kutib olib uchrashuv o’tkazdi. Uchrashuvda BuxDU o’quv ishlari bo’yicha prorektori M.I.Daminov, Ilmiy ishlar va innovatsiyalar bo’yicha prorektor O.S.Qahhorov, Buxoro viloyati xalq ta`limi boshqarmasi boshlig‘i Dilfuza Mustafayeva ishtirok etishdi. Uchrashuv davomida Buxoro davlat universiteti rektori O.X. Xamidov va Qo’qon universiteti Sherzod Mustafakulov universitetlar o’rtasida xalqaro loyihalarda ishtirok etish, ilmni rivojlantirish bo’yicha masalalar, talabalarni bilim darajasini oshirish hamkorlikni yo’lga qo’yish va boshqa ko’plar masalalar muhokama qilindi. Shuningdek, suhbatda turizm, menejment, tadbirkorlik, iqtisodiyot, moliya sohalari bo’yicha talabalar almashinuvi haqida takliflar berildi. Suhbat so’ngida universitetlar o’rtasida o’zaro anglashuv to’g’risida memorandum imzolandi.“Talabalar almashinuvi asosida kadrlarni tayyorlashda ta`lim sifati oshishiga erishiladi. Talabalarning birinchidan tafakkuri kengayadi, ikkinchidan turizmni rivojlantirishda qaysidir ma’noda oldinga qadam bosgan bo’lamiz. 2030 yilgacha Oliy ta’limni rivojlantirish konsepsiyasi qabul qilingan. Rivojlangan oliy ta’lim muassasalari qatoriga kirishda birgalikda harakat qilinsa albatta yaxshi natijaga erishiladi” - deydi Qo’qon universiteti rektori Sherzod Mustafakulov. Suhbat so’ngida BuxDU rektori Obidjon Xamidov tomonidan mehmonga estalik uchun sovg’alar ulashildi.BuxDU Matbuot xizmati