2021 yilning 11-mart kuni Buxorobaliq MCHJ hududida joylashgan BuxDU Agronomiya va biotexnologiya fakulteti Biologiya kafedrasining o'quv markazida "O'zbekbaliqsanoat" uyushmasi raisi Omonjon Musayev, BuxDU rektori Obidjon Xamidov, BuxDU Agronomiya va biotexnologiya fakulteti dekani H.Artikova, fakultet professori S. Bo'riyev, hamkor tashkilotlar hamda baliqchilik xo‘jaliklari rahbarlari ishtirokida baliqchilik sohasiga oid seminar tashkil etildi.Seminarni tashkil etishdan maqsad baliqchilik xo‘jaliklari rahbarlariga baliqchilik sohasida zamonaviy texnologiyalarni qo'llash, ilm-fan hamda baliqchilik sektorini bir maqsad yo`lida birlashtirishdir. Seminarda "O'zbekbaliqsanoat" uyushmasi raisi Omon Musayev baliqchilik sohasida amalga oshirilayotgan islohotlar, baliqchilik xo'jaliklari uchun yaratilayotgan imtiyozlar haqida ma’lumot berdi. Shuningdek, BuxDU professori S.Bo'riyev intensiv usulda baliq yetishtirishning afzallik va samaradorligi, resurs tejamkor usul ekanligi haqida alohida to‘xtalib o‘tdi. Baliqni sun’iy usulda ko‘paytirish va uni yangi sharoitga o‘rgatish, yangi zot baliqlar yetishtirish, suv havzalarining meliorativ holatini yaxshilash kabi masalalarda baliqchilik xo‘jaliklari rahbarlariga malumotlar berib o'tildi.BuxDU rektori Obidjon Xamidov ushbu majmuada baliqchilik xo‘jaliklari xodimlari hamda rahbarlari uchun tashkil etilgan o'quv kursi bo'yicha batafsil malumot berib o'tib ularni ushbu qisqa muddatli o'quv kurslariga qatnashishga taklif etdi.Baliqchilik MCHJ hududida tashkil etilgan laboratoriya hamda o'quv xonasida o'quv hamda amaliy ko'nikmalarni shakllantirish uchun barcha sharoitlar yetarli. Shuningdek, viloyatdagi bank mutasaddilari tomonidan baliqchilik uchun ajratilayotgan imtiyozli kreditlar haqida doimiy tarzda malumotlar berib borilmoqda.Seminar davomida yig‘ilganlar kiritilgan takliflar yuzasidan savollariga javoblar olishdi.
