10-mart kuni xalqaro hamkorlik bo‘yicha prorektor A.Jo‘rayev Vengriyaning Secheni Ishtvan universiteti o‘quv ishlari bo‘yicha prorektori Ester Lukash bilan onlayn uchrashuv o‘tkazdi.Uchrashuvda ikki universitet vakillari o‘z oliy taʼlim muassasalari haqida maʼlumotlar bilan tanishtirdilar. E.Lukash Secheni Ishtvan universitetida xorijlik talabalar uchun qulay sharoitlar yaratilganligi, Vengriya hukumatining stipendiyalar dasturi bo‘lgan Stipendum Hungaricum doirasida talabalarni qabul qilishga tayyor ekanliklarini maʼlum qildi. Universitet Vengriyaning Dyor shahrida joylashgan bo‘lib, shaharda dunyoga mashhur Audi avtokompaniyasi zavodi ham faoliyat ko‘rsatadi. Audi kompaniyasi Secheni Ishtvan universiteti bilan qo‘shma fakultet tashkil etgan.Secheni Ishtvan universitetida qishloq va suv xo‘jaligi, oziq-ovqat sanoati, biotexnologiyalar kabi sohalardagi fan va taʼlim ham rivojlangan bo‘lib, uchrashuvda shu sohalarda tajriba almashish masalalari ham muhokama qilindi.Tomonlar muhokama qilingan masalalar o‘zaro hamkorlik memorandumiga kiritishni hamda O‘zbekiston-Vengriya OTMlari rektorlari forumiga qadar memorandumning yakuniy shaklini tayyorlashga kelishib oldilar.Secheni Ishtvan universiteti to‘g‘risidagi maʼlumotlarni quyidagi vebsaytdan olish mumkin: https://uni.sze.hu/welcome-to-our-website-BuxDU Xalqaro hamkorlik bo'limi
