2021 yil 22-may kuni Buxoro davlat universitetida Buxoro viloyati Xalq ta’limi boshqarmasiga qarashli umumiy o‘rta ta’lim maktablari hamda Buxoro viloyati hududidagi akademik litseylari bitiruvchi sinf o‘quvchilari o‘rtasida Matematika fani bo'yicha o‘tkazilayotgan olimpiadaning ikkinchi bosqichi o‘tkazildi.Mazkur olimpiada O‘zbekiston Respublikasi Prezidentining 2020 yil 7 maydagi PQ-4708-sonli «Matematika sohasidagi ta’lim sifatini oshirish va ilmiy-tadqiqotlarni rivojlantirish chora-tadbirlari to‘g‘risida»gi Qarori hamda O‘zbekiston Respublikasi Fanlar Akademiyasi, Oliy va o‘rta maxsus ta’lim vazirligi va Xalq ta’limi vazirligining 2020 yil 30 dekabrdagi «Iqtidorli yoshlarni tizimli ravishda ixtisoslashtirilgan maktablarga, oliy ta’lim muassasalariga va matematika bo‘yicha ilmiy yo‘nalishlarga seleksiya qilish tartibi to‘g‘risida»gi qo‘shma qarorlari ijrosini ta’minlash maqsadida tashkil etilgan. Mazkur qarorlarga muvofiq O‘zbekiston Milliy Universiteti, Buxoro va Samarqand davlat universitetlarida umumta’lim maktablari bitiruvchi sinf o‘quvchilari o‘rtasida ko‘p bosqichli Matematika fani bo‘yicha olimpiadasini o‘tkazish rejalashtirilgan. Mazkur olimpiadani tashkil etish va o‘tkazishdan maqsad bitiruvchi sinf o‘quvchilar orasidan olimpiada g‘oliblarini Buxoro davlat universitetiga seleksiya qilish nazarda tutilgan.Olimpiadani BuxDU rektori Obidjon Xamidov o'quvchilarga ushbu olimpiadada omad tilab ochib berdi. Olimpiada to`liq karantin talablariga qat'iyan rioya qilingan holda kuzatuvchilar, nazoratchilar ostida o'tkazildi. Olimpiada natijalariga ko‘ra talabalikka qabul qilingan o‘quvchilar uchun belgilangan tartibda stipendiya tayinlanadi. O‘quv semestri yakuni bo‘yicha fanlardan faqat a’lo o‘zlashtirish ko‘rsatkichiga ega bo‘lsa talabalar stipendiyasini bazaviy stipendiyaga nisbatan 50 foizga oshirilgan holda stipendiya oladi.Ushbu qarorlarning ijrosini ta’minlash maqsadida Buxoro davlat universiteti «Fizika-matematika» fakulteti «Matematik analiz» va «Differensial tenglamalar» kafedralari, O‘zbekiston Respublikasi Fanlar Akademiyasi V.I.Romanovskiy nomidagi Matematika instituti Buxoro bo‘linmasi hamda viloyat Xalq ta’limi boshqarmasi hamkorligida Buxoro viloyati Xalq ta’limi boshqarmasiga qarashli umumiy o‘rta ta’lim maktablari va Buxoro viloyati hududidagi akademik liseylari bitiruvchi sinf o‘quvchilarini Buxoro davlat universitetiga seleksiya qilish uchun matematika fani bo‘yicha ko‘p bosqichli olimpiada o‘tkazish tashkil qilindi.Barchangizga ma’lumki, olimpiadaning birinchi turi tumanlar miqyosida o‘tkazildi. Unda viloyat bo‘yicha 900 nafardan ortiq umumiy o‘rta ta’lim maktablari bitiruvchilari ishtirok etishdi. Natijalariga ko‘ra 65 nafar bitiruvchilar tanlab olinib, olimpiadaning yakuniy bosqichiga tavsiya qilindilar. Viloyat akademik liseyi bitiruvchilari esa to‘g‘ridan-to‘g‘ri olimpiadaning ikkinchi bosqichiga qatnashishadi.Aytish joizki, olimpiada natijalariga ko‘ra tahsil oladigan talabalar bilan o‘qishlari va kelgusida ishlashlari bo‘yicha alohida shartnoma tuziladi. Ularni maqsadli magistratura va tayanch doktoranturada o‘qish choralari ko‘rib chiqiladi.BuxDU Matbuot xizmati
