2020/2021 o‘quv yilida respublika OTMlarini jami 110 975 nafar talabaning bitirishi kutilmoqda. Shundan 100 908 nafari bakalavriat, 10 067 nafari magistratura bitiruvchilari hisoblanadi. Shuningdek, har yili bitiruvchilar to‘g‘risidagi ma’lumotlar (viloyatlar va tumanlar kesimida) foydalanish uchun Qoraqalpog‘iston Respublikasi, viloyatlar va Toshkent shahar hokimliklariga hamda yirik ish beruvchi kompaniya va birlashmalarga yuboriladi.Hozirda Oliy va o‘rta maxsus ta’lim vazirligi tomonidan bitiruvchilarning elektron bazasi shakllantirilgan. Ushbu bazani viloyat hokimliklari, vazirlik va idoralar, shu bilan birga yirik ish beruvchilar bilan integrasiya qilish bo‘yicha ishlar olib borilayotgani ma’lum qilindi.Shu munosabat bilan 2021 yilning 29-may kuni BuxDU rektori Obidjon Xamidov Peshku tuman hokimligi faollar zalida Peshku tumanida istiqomat qiladigan 187 nafar universitet bitiruvchilari hamda Peshku tumani hokimligi bo‘lim boshlig‘i Jo‘rabek Umedov bilan birgalikda bitiruvchilarni ishga joylashishidagi yuzaga kelayotgan muammolar hamda ularning yechimi bo‘yicha uchrashuv o‘tkazdi.Ushbu uchrashuvda fakultet dekanlari, buyurtmalar portfelini shakllantirish, bitiruvchilarni ishga taqsimlash va monitoring bo’limi xodimlari, bitiruvchi talabalar, kafedra mudirlari hamda ischi-xodimlar ishtirok etishdi.“Sport turlaridan karate-do bilan doimiy tarzda shug‘ullanman, razryadlarim ham mavjud, sizlarga shu masala bo‘yicha murojaat qilmoqchimanki, tumanimiz Bolalar va o‘smirlar sport majmuasida shu sport turini to‘garagini ochish niyatim bor” deydi BuxDU Jismoniy madaniyat fakulteti 4-bosqich talabasi Moxiniso Olimovna. Talabaning murojaati qabul qilinib tuman hokimligi tomonidan ijobiy yechimga kelinishi ta’kidlandi. Barcha talabalar fikr va mulohazalari tinglanib ularga ishga joylashishda amaliy yordam ko'rsatilishi aytib o'tildi. Uchrashuv so'ngida universitet rahbariyati tomonidan Peshku tuman hokimligiga bitiruvchilarni ishga joylashtirishda o'zlarining beminnat xizmatlarini ayamayotganliklari uchun minnatdorchilik bildirildi. BuxDU Matbuot xizmati
