16-fevral kuni Rossiya Federatsiyasining Ivanovo davlat universiteti bilan onlayn shaklda uchrashuv tashkil qilindi. Uchrashuvda xalqaro hamkorlik bo‘yicha prorektor A.Jo‘rayev, xalqaro hamkorlik bo‘limi boshlig‘i M.Qilichov, IvDU tomonidan esa ijtimoiy rivojlanish va xalqaro faoliyat bo‘yicha prorektor N.Sorokin, rusistika va xalqaro taʼlim markazi direktori I.Ibragim, xalqaro aloqalar bo‘limi boshlig‘i I.Borzova ishtirok etishdi.Ivanovo davlat universiteti bilan hamkorlik shartnomasi 2018 yilda imzolangan bo‘lib, bugungi kunda shartnoma doirasida belgilangan kelishuvlarni ijro qilish bo‘yicha amaliy choralarga o‘tish ehtiyoji mavjud. Prorektor A.Jo‘rayev aynan shu masalalarda, xususan o‘zaro talaba va professor-o‘qituvchi almashinuvini yo‘lga qo‘yish, qo‘shma konferensiyalar tashkil etish, ilmiy ishlar sohasida hamkorlik qilish bo‘yicha takliflarni bildirib o‘tdi. IvDU prorektori N.Sorokin ham ayni paytda Markaziy Osiyo hududi OTMlari o‘rtasida BuxDUni o‘zlarining asosiy hamkorlari qilib belgilab olish niyatida ekanliklarini, bunda universitetimizning xalqaro maydonda yuqori obro‘-eʼtiborga ega ekanligini turtki bo‘lganligini aytib o‘tdi.Tomonlar eng qisqa muddatda hamkorlikning asosiy yo‘nalishlari bo‘yicha yo‘l xaritasini tuzib olish hamda ijro uchun masʼullarni belgilashga kelishib olishdi.Maʼlumot uchun:Ivanovo davlat universitetining tarixi 2018-yilning dekabriga borib taqaladi. 1918-yilda Ivanovo-Voznesensk xalq taʼlimi instituti nomi ostida faoliyatini boshlagan taʼlim muassasasi 1923-yilda pedagogika texnikumiga, 1932-yilda esa pedagogika institutiga aylantirilgan. 1973-yilda esa universitet maqomi berilgan OTM bugungi kunda sanoati rivojlangan Ivanovo viloyatining asosiy oliy taʼlim muassasasi hisoblanadi. Universitet shiori – “Pro patriae beneficio”, yaʼni “Vatan manfaatlari uchun!”.Qo‘shimcha maʼlumotlarni universitetning rasmiy saytidan olish mumkin: www.ivanovo.ac.ruBuxDU Matbuot xizmati
