2021 yilning 15-aprel kuni Buxoro davlat universiteti 104-auditoriyada universitet rektori, i.f.d., prof. O.X.Xamidov rahbarligida Oliy ta’limdan keyingi ta’lim institutining 2-bosqichida tahsil olayotgan tayanch doktorant (PhD) lar ilmiy faoliyatining monitoring natijalari bo’yicha yig’ilish o‘tkazildi. Bugungi kunda Buxoro davlat universitetida Oliy ta’limdan keying ta’lim institutining 2-bosqichida 27 nafar tayanch doktorant (PhD) lar tahsil olayotgan bo’lib, 2 nafar tayanch doktorant (PhD) lar doktorlik dissertatsiyasini muddatidan oldin himoya qildi. Tanqidiy tarzda o‘tgan yig‘ilish davomida Universitet rahbari O.X. Xamidov har bir tayanch doktorant (PhD) ilmiy faoliyatini birma-bir tahlil qilib, tadqiqotchilarga berilayotgan imkoniyatlardan doktorantlar to‘liq foydalana olishmayotganligi, bunda ilmiy rahbar va ilmiy maslahatchilar, fakultet dekanlari, kafedra mudirlarining mas’ulligini yana bir bor oshirish lozimligini uqtirib o‘tdi.2-bosqich tayanch doktorant (PhD) lardan 2 nafari muddatidan oldin himoya qilganligini e’tirof etib, minnatdorchilik bildirdi. Shuningdek, 9 nafar tayanch doktorantlar (PhD) larning doktorlik dissertasiya ishi yakuniy bosqichda ekanligi, 11 nafar tayanch doktorant (PhD) lar belgilangan reja asosida ilmiy faoliyatini olib borayotganligi va 7 nafar doktorantning belgilangan rejadan ortda qolayotganligi tanqidiy muhokama qilindi. Zamon talabidan kelib chiqib xorijiy ta’lim muassasalari bilan hamkorlik masalalarini yanada kuchaytirish, xorijiy nufuzli olimlar bilan a’loqalarni mustahkamlash lozimligi ta’kidlandi. Xorijiy tajribalarni puxta o’rganish hamda ilmiy munozaralarga kirisha olish muhimligini inobatga olib, xorijiy tillarni o’rganish zarurligi aytib o’tildi.Universitet rektori tomonidan sohaga tegishliligi bo‘yicha ilmiy rahbarlarning mas’uliyatini oshirish, fakultet dekanlari va kafedra mudirlari har bir fakultet va kafedra yig‘ilishlarida kun tartibidagi asosiy masalalardan biri sifatida tayanch doktorantlarning ilmiy faoliyati natijalarini doimiy tahlil qilib borishlari va rahbariyatga taklif kiritish bo‘yicha vazifalar berildi.BuxDU Matbuot xizmati
