11.01.2022

O‘zbekiston Respublikasining «Ta’lim to‘g‘risida»gi Qonuni, Kadrlar tayyorlash milliy dasturi talablariga muvofiq Buxoro davlat universitetida ta’lim olayotgan talabalardan iqtidorlilarini aniqlash, ularni qo‘llab-quvvatlash, moddiy va ma’naviy rag‘batlantirish, qobiliyatlarini yanada rivojlantirish maqsadida Oliy va o‘rta maxsus ta’lim vazirligi tomonidan har yili tashkil etiladigan Talabalar respublika fan  olimpiadasining birinchi bosqichi Buxoro davlat universiteti rektorining 2021-yil 3-martdagi 139-U-sonli buyrug’i asosida 5-12-aprel kunlar bo’lib o’tdi. Olimpiada mutaxassislik va umumkasbiy fanlari bo‘yicha o’tkazildi. Olimpiada ishtirokchilariga quyidagi vazifalar: maxsus test sinovlari, yozma, og‘zaki, ijodiy (laboratoriya) ishlari topshirildi. Bunda Buxoro davlat universitetining 13ta fakultetidan 30 ta fan doirasida,  jami 1654 nafar iqtidorli talabalari o’z bilimlarini sinab ko’rishdi.Olimpiadani o’tkazish jarayonida KARANTIN qoidalariga rioya etgan holda  tashkil etildi. Jarayonning shaffofligi biriktirilgan professor-o‘qituvchilar va tajribali mutaxassislar tomonidan ta’minlandi. Hakamlar hay’ati tuzildi hamda shaxsiy tarkibi universitet rektori tomonidan tasdiqlandi. Barcha olimpiada ishtirokchilariga ikkinchi bosqichda omad tilab qolamiz!BuxDU Matbuot xizmati