O‘zbekiston Respublikasi Prezidentining 1992 yil 22 dekabrdagi “O‘zbekiston Respublikasi o‘quvchilari va talabalarining har yilgi qishki ta’tili to‘g‘risida”gi PF-517-son Farmoni ijrosini ta’minlash hamda yangi yil bayrami arafasida va qishki ta’til davrida ta’lim muassasalarida tinchlik-osoyishtalikni saqlash, shuningdek, talabalarning qishki ta’tilining yuqori saviyada o‘tishini ta’minlash, Oliy va o‘rta maxsus ta’lim vazirligining 2020 yil 10 dekabrdagi “Talabalarning qishki ta’tilini yuqori saviyada o‘tishini ta’minlash to‘g‘risida” 653-son buyrug‘ining ijrosini ta’minlash maqsadida universitet rektorining 2020 yil 23 dekabrdagi 625-U sonli buyrug‘i ishlab chiqildi.Mazkur buyruqda qishki ta’til vaqtida universitet professor-o‘qituvchilarining faoliyati, o‘quv jarayonining uslubiy ta’minotini yaxshilash, ilg‘or pedagogik va axborot texnologiyalarini o‘zlashtirish, ma’naviy-axloqiy tarbiya ishlarini samarali tashkillashtirish hamda oliy va o‘rta maxsus, professional ta’limning me’yoriy hujjatlarini o‘rganish bo‘yicha maxsus dastur ishlab chiqish va amalga oshirish singari vazifalar aytib o‘tilgan. Shulardan kelib chiqqan holda 2020/2021 o‘quv yilida universitetga yangi ishga qabul qilingan professor-o‘qituvchilar uchun maxsus kurslar tashkil qilindi.2021 yil 4 yanvardan boshlab 2020/2021 o‘quv yilida universitetga yangi ishga qabul qilingan professor-o‘qituvchilar uchun tasdiqlangan dars jadvali asosida maxsus kurslar bo‘yicha o‘quvlar boshlandi. Ushbu o'quv darslarini BuxDU rektori Obidjon Xamidov ochib berdi. O‘quv jarayonlariga o‘quv ishlari bo‘yicha prorektor M.I. Daminov, Ilmiy ishlar va innovatsiyalar bo‘yicha prorektor O.S. Qahhorov, Yoshlar bilan ishlash bo‘yicha prorektor A.M. Kadirov, moliya va iqtisod ishlari bo‘yicha prorektor O‘.U. Rashidov, o‘quv uslubiy boshqarma boshlig‘i R.Gʻ. Jumayev, f.f.d., professor M. Jo‘rayeva, p.f.d., professor Sh.Olimov kabi professor-o‘qituvchilar yosh mutaxassislarga bilim va ko‘nikma, malakalarini oshirishlari uchun dars berishga jalb qilindi. O‘quv jarayonlariga 142 nafar 2020/2021 o‘quv yilida universitetga yangi ishga qabul qilingan professor-o‘qituvchilar qamrab olindi.BuxDU Matbuot xizmati