2021 yil 26 yanvar sanasida Buxoro davlat universiteti faollar zalida universitet rektori Obidjon Xamidov va oliy ta’limdan keyingi ta’lim institutining 1-bosqichida tahsil olayotgan stajor-tadqiqotchi, tayanch doktorant (PhD), doktorantlar (DSc) o‘rtasida uchrashuv bo‘lib o‘tdi. Uchrashuv ochiq muloqot tarzida tashkil etildi. Buxoro davlat universiteti rektori O.X. Xamidov ilm-fan rivoji va professor-o‘qituvchilarning jamiyatdagi nufuzini oshirish borasida davlatimiz rahbari tomonidan amalga oshirilayotgan ishlar borasida ma’ruza qildi. Xususan, yaqinda davlatimiz rahbarining viloyatimizga tashriflari doirasida ilm-fan sohasida belgilab berilgan vazifalarga yana bir bor to‘xtalib, universitet tayanch doktoranti (PhD) Xoliqova Nozima Buxoro viloyatida chet tillarni o‘rgatish bo‘yicha mas’ul etib tayinlanganini, shuningdek, O‘zbekiston Respublikasi Vazirlar Mahkamasining “Ilmiy darajali kadrlarni tayyorlash jarayonlarining shaffofligini ta’minlash va samaradorligini oshirish chora-tadbirlari to‘g‘risida”gi 696-sonli qaroriga asosan o‘z doktorlik dissertasiyasini muddatidan oldin himoya qilganligi sababli 2 nafar tayanch doktorantga (PhD) mukofot pullari topshirilganligini aytib o‘tdi. Universitet rahbariyati doimo yordamga tayyorligini, bu borada aniq takliflar kutib qolinishini hamda ushbu holatlar ilmiy faoliyat bilan shug‘ullanuvchi professor-o‘qituvchilarga ajoyib bir motivasiya berishi lozimligi xususida takidlab o‘tildi. Universitet o‘quv ishlari bo‘yicha prorektori M.I. Daminov yig‘ilganlarni o‘quv jarayoni bilan bog‘liq yangiliklar, kredit-modul tizimi hamda kelajakdagi vazifalar bilan tanishtirdi. Uchrashuv so‘ngida yig‘ilganlar o‘z taklif va mulohazalarini bildirdilar. IT, I va IPKTB boshlig‘i G.T. Zaripov stajor-tadqiqotchi, tayanch doktorant (PhD), doktorantlar (DSc) ilmiy faoliyati monitoringini o‘tkazish mezonlari bilan tanishtirdi. Monitoringini o‘tkazish mezonlari quyidagi bosqichlarda amalga oshiriladi:1-bosqichda: 2-bosqichda: 3-bosqichda: BuxDU Matbuot xizmati
