2020 yilning 30-dekabr kuni Buxoro davlat universiteti Kengashining 2020-2021 o'quv yili 9-yig`ilishi bo'lib o'tdi. Ushbu yig'ilishni BuxDU rektori Obidjon Xamidov kirish so'zi bilan ochib berib, universitet jamoasi bilan amalga oshiriladigan masalalar yo'nalishi bo'yicha gapirdi. Dastlab yig'ilishdan oldin Oliy Attestasiya komissiyasi qarori bilan fan doktori ilmiy darajasi, dotsent ilmiy unvonlari va falsafa doktori ilmiy darajasini olgan professor-o‘qituvchilarni hamda ma'naviy-ma'rifiy ishlarda juda faol bo'lgan hamda pandemiya davrida boshqalarga o'rnak bo'lgan kafedralarni taqdirlash marosimi bo'lib o'tdi. Unda universitet rektori Obidjon Xamidov shaxsan o'zlari diplom hamda sertifikatlarni professor-o'qituvchilariga topshirdilar. Yig'ilishda BuxDU o'quv ishlari bo'yicha prorektori M.I.Daminov universitetdagi o'quv jarayoni bo'yicha ma`lumot berdilar. Shuningdek, yig`ilishda BuxDU ilmiy ishlar va innovatsiyalar bo'yicha prorektori O.S.Qahhorov Buxoro davlat universitetida ilmiy-tadqiqot, innovatsiyalar va ilmiy pedagog kadrlarni tayyorlash bo'yicha 2020 yil davomida amalga oshirilgan ishlar to'g'risida, B.R.Adizov universitet huzuridagi pedagog kadrlarni qayta tayyorlash va ularning malakasini oshirish mintaqaviy markazida 2020 yilda amalga oshirilgan ishlar to'g'risida, A.M.Kadirov Yoshlar va ma'naviy-ma'rifiy yo'nalishlar to'g'risida, BuxDU xalqaro hamkorlik bo'yicha prorektori A.T.Jo'rayev xalqaro hamkorlik to'g'risida hisobot berdilar. BuxDU Matbuot xizmati
