2015 yil 3 noyabr Buxoro davlat universiteti Tabiiy fanlar fakultetida “Yoshlar reproduktiv salomatligini mustahkamlash –jamiyat taraqqiyotining muxim omili.” mavzusida, Filologiya fakultetida «Sog`lom turmush tarzi – yosh avlodni har tomonlama rivojlantirish garovi »mavzularida BuxDU «Ibn Sino salomatlik maskani» Viloyat Salomatlik va tibbiy statistika instituti , 1-son FXDYO markazi va ma’naviyat va ma’rifat bo’limi bilan hamkorlikda davra suhbati tashkil etildi. Tadbirda “Reproduktiv tizim salomatligi“ , “Erta nikoh va qarindoshlar o’rtasidagi nikohning salbiy oqibatlari” , “Oilada tibbiy madaniyatning o’rni” mavzularida ma’ruzalar tinglanib, bahs-munozara tashkil etildi. Reproduktiv salomatlik - bu reproduktiv tizim va uning faoliyatiga bog`liq barcha masalalar borasida faqat kasallik va kamchiliklar yo’qligi bo’libgina qolmay, balki to’liq jismoniy, aqliy va ijtimoiy muvaffaqiyatlar holati hamdir. Reproduktiv salomatlik, ya’ni ayolning qachon va qanday sharoitlarda ona bo’lishini nazorat qilish, onaning ham va undan tug`ilajak bolaning ham salomatligi uchun maqbul shart-sharoitlarni yaratish degani, shu kabi mavzularda talabalar bilan suhbat tashkil etilib, mutaxassislar tomonidan kerakli tavsiyalar berildi. Tadbirda shahar 1-son FHDYo markaz rahbari Z.Qurbonova Oila, uning asosiy vazifasi va nikoh to’g`risida so’zlab, talabalarni qiziqtirgan savollarga javob berdi. Tadbir qizg`in o’tdi.
