11.01.2022

2020 yil 25 dekabrda Buxoro davlat universiteti "Xorijiy OTMlar bilan hamkorlikdagi qo'shma dasturlarni muvofiqlashtiruvchi" bo'lim boshlig'i Olim Hamidovich Rahimov tomonidan Buxoro shahrida joylashgan IT park va Davlat xizmatlari agentligi Buxoro viloyat boshqarmasiga Isroil davlatining Xolon texnologiyalari instituti bilan hamkorlikda tashkil etilgan Informatika va axborot texnologiyalari hamda Amaliy matematika va informatika ta'lim yo'nalishlari talabalari uchun sayyor dars tashkil etildi.Sayyor darsda dastlab my.gov.uz yagona interaktiv davlat xizmati portali va undagi 150 dan ortiq xizmatlar imkoniyatlari yuzasidan agentlik xodimlari taqdimot o'tkazishdi. Agentlik xodimlari tomonidan berilgan malumotlar talabalarda katta qiziqish uyg'otib taqdimot O'zbekiston sharoitida raqamli iqtisodiyotga o'tish davrida axborot texnologiyalarining o'rni yuzasidan davra suhbatiga aylanib ketdi.Sayyor dars doirasida talabalar Buxoro IT park faoliyati bilan ham yaqindan tanishishdi. IT park o'quv xonasiga tashrif davomida Web dasturlash o'quv-kursida ishtirok etib hozirgi kunda O'zbekistonda qanday turdagi dasturlarga katta ehtiyoj borligi hamda qaysi yo'nalishda faoliyat olib borish kelajagda istiqbolli sohaga aylanishi yuzasidan bergan tavsiyalarini tinglashdi.BuxDU Matbuot xizmati