11.01.2022

2021 yil 23-yanvar kuni O'zbekiston Respublikasi Mahalla va oilani qo‘llab quvvatlash vazirining birinchi o‘rinbosari G.M.Ma’rufova kichik faollar zalida O‘zbekiston Respublikasi Prezidentining Ma’naviy-ma’rifiy ishlar tizimini tubdan takomillashtirish, bu borada davlat va jamoat tashkilotlarining hamkorligini kuchaytirish masalalari bo‘yicha videoselektor yig‘ilishi belgilangan vazifalar yuzasidan Buxoro viloyat oliy ta’lim muassasalari faol xotin –qizlari va olima ayollari bilan uchrashuv o'tkazdi. Mehmonni Buxoro davlat universiteti rektori Obidjon Xamidov kutib oldi. Buxoro davlat universitetidan 50 nafar, Buxoro davlat tibbiyot instituti, Buxoro muhandislik texnika instituti, TIQXMMI Buxoro filialidan uchrashuvda faol ayollar ishtirok etishdi. Shuningdek, Buxoro viloyat Xalq banki boshqaruvchisi o‘rinbosari N.Latipova ham ishtirok etib, o‘z takliflari bilan chiqdi. Ayollarga yaratilgan imkoniyat va tadbirkorlik uchun ajratilgan  imtiyozli kreditlar haqida ma’lumotlar berdi.Jumladan uchrashuvda globallashuv jarayonlari insoniyat uchun beqiyos yangi imkoniyatlar bilan birga kutilmagan muammolarni ham keltirib chiqarilayotganligi  haqida to‘xtalib o‘tildi. Faqat o‘zini o‘ylash, mehnatga, oilaga yengil qarash, iste’molchilik kayfiyati turli yo‘llar bilan odamlar, ayniqsa, yoshlar ongiga ustamonlik bilan singdirilish haqida fikr mulohazalar bildirildi. Shuningdek,  G. Ma’rufova o‘z nutqida ma’naviy-ma’rifiy ishlarning yagona tizimini yaratish, xususan, o‘g‘il-qizlarni bolaligidanoq bilimli va fazilatli etib tarbiyalash, buning uchun maktab va  maktabgacha ta’lim muassasalariga metodik yordam ko‘rsatish muhimligini  ta’kidladi. Uchrashuvda maktablar, o‘rta maxsus va oliy ta’lim dargohlarida ma’naviy-ma’rifiy ishlar samaradorligini oshirish bo‘yicha berilgan topshiriqlar yuzasidan muhokamalar bo‘ldi.  Uchrashuvdan so‘ng  mehmonlar TTJ ga tashrif buyurishib talabalarga yaratilgan shart –sharoitlar bilan tanishishdi va o‘z takliflarini tavsiya etishdi.Uchrashuvda  viloyat OTMlari olima – ayollari  tomonidan takliflar, fikr-mulohazalar bildirildi.