11.01.2022

O‘zbekiston Respublikasi Prezidentining 2020 yil 6 noyabrdagi “O‘zbekistonning yangi taraqqiyot davrida ta’lim-tarbiya va ilm-fan sohalarini rivojlantirish chora-tadbirlari to‘g‘risida”gi PF-6108-Farmoni ijrosini ta’minlash maqsadida Buxoro viloyati Gʻijduvon tumanidagi 30-umumiy o‘rta ta’lim maktab o‘qituvchilari hamda 40 nafar o‘quvchilari Buxoro davlat universitetiga tashrif buyurishdi.Tashrifdan maqsad o‘quvchilarni Buxoro davlat universiteti, uning faoliyati va olimlari bilan tanishtirish edi. Buxoro davlat universiteti O‘quv-uslubiy boshqarma boshlig‘i siyosiy fanlar bo‘yicha falsafa doktori, dotsent R.Gʻ. Jumayev so‘zga chiqib, O‘zbekiston Respublikasi Prezidenti Farmoni ijrosini ta’minlash maqsadida universitetda “Yo‘l xaritasi” ishlab chiqilganligi hamda viloyatda mavjud 19 ta umumta’lim maktabiga 121 nafar professor-o‘qituvchilar ishchi guruh sifatida biriktirilganligi aytib o‘tildi. Bunda maktab bitiruvchilarining oliy ta’limga qamrovini oshirish, yuqori sinf o‘quvchilarining qiziqishi va qobiliyatidan kelib chiqib maktab qoshida oliy ta’lim muassasalariga kirish sinovlariga tayyorlov kurslarini tashkil etish hamda universitet ilmiy hodimlari unga biriktirish zarur ekanligini ta’kidladi.Buxoro davlat universiteti xodimlar va talabalar kasaba uyushma qo‘mitasi raisi p.f.d., professor, S.Q. Qahhorov hozirgi yoshlar dunyodagi mashhur olimlar Al-Xorazmiy, Abu Ali ibn Sino, Al -Buxoriy, Al -Beruniy, Al - Forobiylar izdoshlari ekanligini to‘liq anglagan holda, ularga munosib izdosh bo‘lishimiz kerak ekanligini aytib o‘tdi. Shuning bilan birga o‘quvchilar bilan uchrashuvda kimyo fanlari doktori, professor B.B.Umarov, iqtisod fanlari nomzodi, dotsent M.A.Oripov, falsafa fanlari nomzodi, dotsent N.N.Teshayev, filologiya fanlari nomzodi, professor M.Jamilova, pedagogika fanlari nomzodi, professor D.Yo‘ldosheva hamda dotsent A.Gulboyev, Harbiy fakultetning professor-o‘qituvchilari ishtirok etishdi. Maktab jamoasi universitet o‘quv va laboratoriya xonalari, muzey va ARM, zamonaviy sport inshootlari hamda Buxoro davlat universiteti va “Yoshlar kelajagimiz” jamg‘armasi bilan hamkorlikda universitetda tashkil etilgan “BIZNES AKSELERATOR” markazida bo‘ldilar. Tashrif maktab o‘qituvchi va o‘quvchilariga katta taassurot qoldirdi.BuxDU Matbuot xizmati