11.01.2022

Oliy taʼlim muassasalari talabalari oʻrtasida “kichik olimpiada” maqomini olgan «Universiada-2021” sport musobaqalarining dzyudo turi boʻyicha Respublika final bosqichi Qashqadaryo viloyatidagi Qarshi muhandislik-iqtisodiyot instituti sport majmuasida boʻlib oʻtdi.Qoraqalpogʻiston Respublikasi, Toshkent shahri va barcha viloyatlardan tashrif buyurgan 170 nafardan ortiq dzyudochi talaba-yoshlar bahs olib borishdi.Erkaklar 7 ta – 60 kg, 66 kg, 73 kg, 81 kg, 90 kg, 100 kg va +100 kg.Ayollar 7 ta – 48 kg, 52 kg, 57 kg, 63 kg, 70 kg, 78 kg va +78 kg vazn toifalarida kurash olib borishdi.Qizgʻin va murosasiz kurashlarga boy tarzda oʻtgan final oʻyinlari bugun oʻz yakuniga yetdi. Toʻplangan medallar soniga nisbatan umumjamoa hisobida 1-oʻrinni Buxoro viloyati, 2-oʻrinni esa Toshkent viloyati hamda faxrli 3-oʻrinni Surxondaryo viloyati talaba yoshlari qoʻlga kiritishdi.Buxoro davlat universiteti jamoasi talabalarimizni erishgan ulkan natijalari hamda yutuqlari bilan samimiy muborakbod etadi. Chempionlarimizning murabbiylarini, Jismoniy madaniyat fakulteti dekani B.Mamurov, Jismoniy madaniyat nazariyasi va uslubiyoti kafedrasi mudiri R.Shukurovni,  Jismoniy madaniyat nazariyasi va uslubiyoti kafedrasi o'qituvchisi L.A.Azimovni hamda fakultet, kafedra professor-o'qituvchilarini chin yurakdan tabriklab kelgusi ishlarida omadlar tilaydi. Oʻz vazn toifasida erkaklar oʻrtasida quyidagi talabalar gʻoliblikni qoʻlga kiritishdi:Temur Abishev (60 kg, Toshkent shahri)Bunyod Fotexov (66 kg, Samarqand)Nozimjon Axtamov (73 kg, Buxoro)Umidjon Abdullayev (81 kg, Buxoro)Erkin Qozoqov (90 kg, Toshkent viloyati)Alovuddin Joʻraqulov (100 kg, Buxoro)Bahrom Saitov (+100 kg, Buxoro)Qizlar oʻrtasida esa gʻoliblar quyidagilar:Mohinur Moʻminova (48 kg, Surxondaryo).Mohinur Choriyeva (52 kg, Surxondaryo)Sitora Elmurodova (57 kg, Toshkent viloyati)Shahrizoda Gʻaniyeva (63 kg, Buxoro)Xojiniso Kamolova (70 kg, Andijon)Filura Ergasheva (73 kg, Qashqadaryo)Sitora Xusanova (+78 kg, Toshkent viloyati) oʻz vazn toifalarida tengsiz deb topildi.BuxDU Matbuot xizmati