11.01.2022

2020 yil 19-dekabr kuni BuxDU Nemis va fransuz tillari kafedrasi o’qituvchisi G.S.Hojiyeva hamda Islom tarixi va manbashunosligi, falsafa kafedrasi o’qituvchisi Sh.B.Murtozayevlar tomonidan O’zbekiston Respublikasi Prezidenti Shavkat Mirziyoyevning 2019 yilda yoshlar ta’lim-tarbiyasi uchun qo‘shimcha sharoitlar yaratish va xotin-qizlar bandligini ta’minlash borasida qabul qilingan “5 ta tashabbus”i doirasidagi yoshlar ma‘naviyatini yuksaltirish, ular o‘rtasida kitobxonlikni keng targ‘ib qilish bo‘yicha tizimli ishlarni tashkil etishga yo‘naltirilgan to‘rtinchi tashabbusning amaliy ifodasi sifatida «Adabiyotga e’tibor — kelajakka e’tibor!»  shoiri ostida onlayn tadbir tashkil etildi.Tadbirda BuxDU Nemis va fransuz tillari kafedrasi mudiri D.H.Karimova, kafedra o’qituvchilari L.Ikromova, Z.Ramazonova, M.Xamidova, M.Norovalar mamlakatimizda ta’lim sohasida, xususan, adabiyotni rivojlantirish borasida olib boriliyotgan izchil islohotlar haqidagi nutqlari bilan ishtirok etdilar. BuxDU magistranti G.Toirova hamda Xorijiy tillar fakulteti fransuz yo’nalishi 11-4fra-20 guruh talabalaridan T.Xamdamov, X. Davronova, E. Abdunabiyev, S. Saidov, A. Nazarovalar tomonidan jahon, mumtoz va zamonaviy o’zbek adabiyoti hamda rus va fransuz adabiyoti namoyondalari va ularning ijod namunalaridan parchalar o’qib eshittirildi. Shuningdek, Buxoro shahar 23-maktab 1-sinf o’quvchisi G. Bahriddinova tomonidan o’qilgan Miraziz A’zamning “Qo’lni qo’lga beraylik!” she’ri tadbir ishtirokchilarida katta taassurot qoldirdi.Tadbir so’ngida bu kabi ma’naviy kechalarni yanada ko’proq o’tkazish, yoshlar ongida milliy o’zlikni anglash va rivojlantirish yo’lidagi muhim omil bo’lib xizmat qilishi alohida ta’kidlab o’tildi.