11-yanvar kuni universitetimiz xalqaro hamkorlik bo‘yicha prorektori A.Jo‘rayev Xitoyning Nankin pedagogika universiteti professori, vatandoshimiz Rustam Shodiyev bilan uchrashdi.Uchrashuvda universitetlararo hamkorlik o‘rnatish masalasi muhokama qilindi. Xususan, prof. R.Shodiyev rahbarlik qilayotgan Intellektual kontekstli taʼlim va texnologiyalar instituti yo‘nalishlari doirasida BuxDU o‘qituvchi va talabalari uchun mahorat darslari tashkil qilish, taʼlim jarayonlarida yangi axborot va pedagogik texnologiyalarini qo‘llash bo‘yicha seminarlar o‘tkazishga kelishib olindi.Maʼlumot uchun: Nankin pedagogika universiteti (ingl. Nanjing Normal University) Xitoyning eng qadimiy taʼlim muassasalaridan biri hisoblanadi. NPUning ajdodi Nankinda joylashgan imperator universiteti bo‘lib, u 258-yilda tashkil qilingan. NPUning mavqei 1902 yilda imperator universitetidan davlat universitetiga o‘zgartirilgan. Bugungi kunda universitet Xitoyning “211 loyihasi (21-asrda 100 ta nufuzli universitet)” aʼzosi hisoblanadi. Talabalar soni 33 mingga, o‘qituvchilar soni 2000 nafarga yaqin. Times-2021 reytingida 801-1000 guruhida o‘rin egallagan. Universitetning Suyyuan kampusi “Sharqning eng chiroyli kampusi” sifatida tan olingan. Universitet vebsayti: http://en.njnu.edu.cnProf. R.Shodiyevning Nankin pedagogika universitetidagi profili: http://schools.njnu.edu.cn/edu/person/rustam-shadievIlmiy ishlari haqida maʼlumot: https://scholar.google.com/citations?user=TVXmoNkAAAAJ&hl=enBuxDU Xalqaro hamkorlik bo'limi
