11.01.2022

Joriy yilning 18 dekabrida Buxoro davlat universiteti, Inson huquqlari bo‘yicha O‘zbekiston Respublikasi Milliy markazi, O‘zbekiston Respublikasi Oliy Majlis Qonunchilik palatasi Demokratik institutlar, nodavlat tashkilotlar va fuqarolarning o‘zini o‘zi boshqarish organlari qo‘mitasi, O‘zbekiston Respublikasi Sudьyalar Oliy Kengashi huzuridagi Sudьyalar oliy maktabi, O‘zbekiston Respublikasi Bosh prokuraturasi Akademiyasi va O‘zbekiston Respublikasi Adliya Vazirligi qoshidagi Yuristlar malakasini oshirish markazi bilan hamkorlikda “Mamlakatda demokratik islohotlarni yanada chuqurlashtirish va yuridik ta’limni takomillashtirish muammolari” mavzusidagi onlayn Respublika ilmiy-amaliy anjumani tashkil etildi.Anjuman Buxoro davlat universiteti majlislar zalida, ishtirokchi olim va mutaxassislarning individual tarzda “ZOOM” dasturi orqali onlayn ishtirok etadilar.Tadbirda ta’kidlanishicha, so‘nggi yillarda mamlakatimizda inson huquqlarini himoya qilishning qonunchilik va tashkiliy-huquqiy bazasini mustahkamlash, inson huquqlari bo‘yicha xalqaro standartlarni milliy qonunchilikka implementatsiya qilish va xalqaro majburiyatlarni bajarish, huquqiy sohada xalqaro tashkilotlar bilan hamkorlikni faollashtirish, sud-huquq tizimini yanada takomillashtirish, fuqaro va tadbirkorlarning huquq va qonuniy manfaatlarini ishonchli himoya qilish choralarini kuchaytirish, odil sudlovni samarali ta’minlashga doir tizimli ishlar olib borilmoqda.Inson huquqlari va erkinliklarini himoya qilish mexanizmini yanada takomillashtirish, aholiga yuridik xizmatni ko‘rsatish sifatini oshirish, 2017 — 2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi ijrosini ta’minlash, shuningdek, mamlakatimiz rahbarining 2020- yil 24- yanvardagi Oliy Majlisga Murojaatnomasida belgilangan vazifalarni samarali va o‘z vaqtida amalga oshirish maqsadida mamlakatimizda oliy ta’lim jarayonga innovatsion ilg‘or va xalqaro ta’lim standartlarini joriy etish, kadrlar salohiyatini oshirish va professor-o‘qituvchilar mehnatini rag‘batlantirish, ta’lim muassasalarining moddiy-texnik bazasini mustahkamlashni nazarda tutadigan yuridik ta’lim tizimini takomillashtirish bo‘yicha bir qator masalalarni amalga oshirish belgilangan.Shu munosabat bilan, anjumanda milliy ta’limning samaradorligi oshirishga qaratilgan yuqori malakali mutaxassis-huquqshunoslarni tayyorlash, ularga zamonaviy talablar, ilg‘or xalqaro yuridik tajriba, mehnat bozori ehtiyojlari asosida ijodiy fikrlaydigan, halol kadrlarni xududlar kesimida shakllantirish, huquqiy munosabatlar jarayoniga to‘sqinlik qilayotgan qator tizimli muammo va kamchiliklarni tahlil qilindi.Buxoro davlat universiteti Tarix va madaniy meros fakulьteti dekani J.R. Jo‘raev moderatorligi ostida, kun tartibiga muvofiq Buxoro davlat universiteti rektori i.f.d professsor O.X. Xamidov kirish so‘zi bilan ochib berib, mamlakatda bo‘layotgan islohotlar, Xususan, 2020 yil pandemiya tufayli ko‘plab davlatlarda joriy qilingan muayyan cheklovlarga qaramay, mamlakatimizda demokratik islohotlarni yanada chuqurlashtirish, inson huquq va erkinligini ta’minlash, xalq farovonligini oshirish borasida tizimli ishlar olib borilganligi, jumladan, 2020 yilda Prezidentimiz tashabbusi bilan “Inson huquqlari bo‘yicha O‘zbekiston Respublikasining Milliy strategiyasi” qabul qilindi. Joriy yil oktyabrь oyida esa mamlakatimiz milliy davlatchiligimiz tarixida ilk bor Birlashgan Millatlar Tashkilotining asosiy organlaridan biri bo‘lgan Inson huquqlari bo‘yicha Kengashga a’zo bo‘lganligi hamda, O‘zbekistonda olib borilayotgan ochiqlik siyosatining xalqaro e’tirofida ekanligi to‘g‘risida ma’lumot berdi.Kun tartibiga muvofiq, O‘zbekiston Respublikasi Oliy Majlis Qonunchilik palatasi Spikerining birinchi o‘rinbosari, Inson huquqlari bo‘yicha O‘zbekiston Respublikasi Milliy markazi direktori, yu.f.d., akademik Akmal Saidov so‘zga chiqib, mamlakatimizda inson huquqlarini ta’minlash borasidagi ishlar, sud-huquq tizimini yanada liberallashtirish, aholining huquqiy madaniyati va sovodxonligini oshirishga qaratilgan sayi-harakatlar, mamlakatda yuridik ta’limga bo‘lgan e’tibor, yuristlarga bo‘lgan ehtiyojning xorijdagi va mahalliy darajadagi holati va praportsiyasi, shuningdek yuridik ta’limdagi ayni vaqtda yuzaga kelgan dolzarb masalalarga to‘xtalib o‘tdi. Bundan tashqari, yuridik ta’limni shakllantirishga qaratilgan, mehyoriy-huquqiy baza va informatsion platforma, huquqiy madaniyatni oshirishga qaratilgan telekanal, huquqiy hujjatlarning monitoring holati hamda ushbu sohalar yuzasidan xorijiy hamkorlikni yo‘lga qo‘yish yuzasidan qimmatli ma’lumotlar berildi. Ta’kidlash joizki, anjumanda akademik A Saidovga Buxoro davlat universiteti tomonidan ko‘tarilgan masala ayni damda dolzarb va muhim ekanligi aytib o‘tilib tadbir ishiga omad tilandi. Tadbirda, O‘zbekiston Respublikasi Oliy Majlis Qonunchilik palatasi Demokratik institutlar, nodavlat tashkilotlar va fuqarolarning o‘zini o‘zi boshqarish organlari qo‘mitasi raisi Shuxrat Bafaev  “Davlat va jamiyat tizimini demokratlashtirish masalalari” mazusida chiqish qilib, oxirgi 3 yil mobaynida professional Parlament tomonidan mamlakatni demokratlashtirish va fuqarolk jamiyatini rivojlantirishda qonun ijodkorligi, parlament tomonidan qabul qilinayotgan yangi qonunlarning o‘ziga xosligi, ularning nazorati va ijrosi yuzasidan batafsil ma’lumot berdi.Anjuman ishida, xalqaro hamkorlik doirasida Buxoro davlat universiteti tomonidan taklif etilgan ekspert, Turkiyaning Istambul universiteti Ilohiyot fakulьteti professori Murtaza Bedir “Qadimiy va hamisha navqiron bo‘lgan Buxoro zaminida Huquq maktabini shakllanishining tarixiy ildizlari”ga oid qimmatli ma’lumotlarni taqdim etdi. Xususan, 8-10 asrlarda Buxoro zaminida misli ko‘rilman huquqshunos olimlar faoliyat ko‘rsatgani va ularning ilmiy merosini dunyoning turli musulmon mamlakatlarida o‘rganilishi, Buxoro huquq falsafasining o‘ziga xosligi to‘risida fikrlar bildirildi.Shuningdek, kun tartibiga doirasida “O‘zbekistonda yuridik kadrlar malakasini oshirish va qayta tayyorlash tizimining rivojlanishi, hozirgi holati va takomillashtirish istiqbollari” mavzuyida O‘zbekiston Respublikasi Adliya Vazirligi qoshidagi Yuristlar malakasini oshirish markazi direktori yu.f.n. Anvar Raxmatov, so‘zga chiqib Markaz tomonidan olib borilayotgan yuridik ta’limga oid ishlar, Pandemiya sharoitida masofaviy, an’anaviy hamda gibrid shaklada ta’lim berishning o‘ziga xosligi, advokatlarga bo‘lgan ehtiyojning yuqoriligi va ularning bilim darajasi hamda yuridik ta’limni yanada rivojlantirishga oid fikrlar bilan o‘rtoqlashdi.O‘zbekiston Respublikasi Sudьyalar Oliy Kengashi huzuridagi Sudьyalar oliy maktabi kafedra mudiri Nurali Qurbonov “Yuridik ta’limni rivojlantirishning ayrim masalalari” mavzusida o‘z qarashlarini izohladi. Jumladan, Mamlakatimizda sudьyalarning chinakam mustaqilligini ta’minlash, malakali kadrlarni tanlash, sudьyalik kasbiga tayyorlash va tayinlash tizimini takomillashtirish, sud tizimiga etarli bilim va hayotiy tajribaga ega bo‘lgan munosib kadrlarni tanlash, ularning kasb etikasi va sud hokimiyati tizimida korruptsiya holatlarini keltirib chiqaruvchi sabab va shart-sharoitlarni chuqur o‘rganish va tahlil qilish, korruptsiyaga qarshi kurashish va uning oldini olish tizimini samarali yo‘lga qo‘yish yuzasidan fikrlar bildirdi.Shundan so‘ng, O‘zbekiston Respublikasi Bosh prokuraturasi Akademiyasining “Jinoyatchilikka qarshi kurashish va huquqbuzarliklar profilaktikasi to‘g‘risidagi qonunlar ijrosi ustidan nazorat” kafedrasi dotsenti yu.f.d. Istam Astanov “Prokuratura organlari kadrlarini tayyorlash, qayta tayyorlash va malakasini oshirish tizimini takomillashtirish” borasida o‘z maruzasi bilan ishtirok etdi. Unda Bosh prokuraturasi Akademiyasi tinglovchilariga yaratilgan shart-sharoitlar va innovatsion yondashuvlar, ilmiy solohiyatni oshirishga qaratilgan tadqiqot ishlari, prokuratura organlari tinglovchilarining bilim saviyasini baholashning diagnostik usullari, shuningdek, yuridik ta’limni takomillashtirishga qaratilgan taklif va tavsiyalar to‘g‘risida gapirib o‘tdi.Fikr-mulohazalar doirasida Buxoro davlat universiteti Tarix va madaniy meros fakulьteti “Milliy g‘oya, ma’naviyat asoslari va huquq ta’limi” kafedrasi dotsenti Sohib Raupov so‘zga chiqib, o‘rta maktab tizimida huquqshunoslik fanlarini o‘qitilishi, Oliy ta’lim tizimi talabalarining barcha yo‘nalishlarida huquqiy madaniyat, inson huquq va erkinliklariga oid yangi maxsus kurslarini joriy etish yuzasidan o‘z takliflarini bildirib o‘tdi.Umuman olganda, tadbir ishtirokchilarining barchasi istiqbolda Buxoro davlat universiteti negizida yuridik ta’limni yo‘lga qo‘yish masalasida o‘zlarining ijbiy tavsiyalarini berib o‘tish bilan bir qatorda, malakali ilmiy salohiyatga ega kadrlar bilan ta’minlashda, yuridik fanlarga oid o‘quv adabiyotlaridan ko‘maklashishda, huquqshunos kadrlarni malakasini oshirishga qaratilgan ishlarda hamkorlik memorandumlarini tuzishga tayyor ekanliklarini bildirishdi. Onlayn anjuman o‘z maqsadiga erishgan holda yuqori saviyada va munozaralarga boy ravishda o‘tdi.BuxDU Matbuot xizmati