BuxDU qoshidagi 3-son Qorako`l akademik litseyida 2015 yilning 5-fevral kuni BuxDU Fizika- matematika fakulteti, “Matematik fizika va analiz” kafedrasi bilan hamkorlikda “Buxorolik matematik olimlar” mavzusida uchrashuv bo`lib o`tdi.Uchrashuvda O’zMU qoshidagi Matematika instituti yetakchi ilmiy xodimi, f.-m.f.d., prof O`.A. Roziqov, BuxDU AL va KHK bilan ishlash bo`yicha prorektor G`.I. Botirov, BVQT va MOI. dotsenti H.H.Axmedov, BuxDU “Matematik fizika va analiz” kafedrasi dotsenti N.H.Mamatova, o`qituvchi A.A.Raxmonovlar ishtirok etishdi.Uchrashuvni BuxDU qoshidagi 3-son Qorako`l akademik litseyi direktori T.Jumayev ochib berdi. Uchrashuv davomida “Matematik fizika va analiz” kafedrasi mudiri R.T.Muxitdinov Buxorolik matematik olimlar haqida gapirib, hozirgi kunda dunyo tan olgan buxorolik matematik olim O`.A. Roziqov hayot va ijod yo’li haqida qisqacha ma’lumot berdilar. Shundan so`ng O’zMU qoshidagi Matematika instituti yetakchi ilmiy xodimi, f.-m.f.d., prof O`.A. Roziqov “Matematik billiard va uning qo’llanilishi” mavzusida ma’ruza qilib, matematik biliardning olimpiada masalalarini yechishda tatbiq qilish usullarini tushuntirdilar. BVQT va MOI. dotsenti H.H.Axmedov “Ajoyib kvadratlar”, BuxDU “Matematik fizika va analiz” kafedrasi dotsenti N.H.Mamatova “Olimpiada masalalaridan namunalar va testlar” mavzularida ma`ruzalar qildilar. BuxDU qoshidagi 3-son Qorako`l akademik litseyi o`quvchilari o`zlarini qiziqtirgan savollariga javob oldilar.Tadbir tashkilotchisi: “Matematik fizika va analiz” kafedrasi dotsenti N.H.Mamatova
