Kecha xabar berganimizdek BuxDU rektori Obidjon Xafizovich Xamidov Jondor hamda Romitan tumanlarining universitetga biriktirilgan maktablarga tashrif buyurgandi. Bugun Buxoro davlat universiteti rektori, iqtisodiyot fanlari doktori, professor Obidjon Xamidov kechangi tashriflarning davomi sifatida Buxoro tumanining 36 hamda 50 umumta`lim maktablariga tashrif buyurdi. Tashriflar chog’ida universitet rektori, BuxDU o’quv ishlari bo`yicha prorektori M.I.Daminov, tuman Xalq ta`limi bo`limi boshlig'i bilan birgalikda maktablarni o‘quv-uslubiy, ma’naviy-ma’rifiy va ilmiy-pedagogik jabhalardan o’rgandi. Dastlab har bir maktabning boshlang'ich sinf hamda 11 sinf bitiruvchilari bilan suhbatlar o`tkazib ularning qiynab kelayotgan muammolari to’g’risida ma`lumot olindi, shuningdek kelgusidagi rejalari, oliy ta`lim muassasalariga ta`lim olish istaklari bilan qiziqdilar.BuxDU rektori Obidjon Xamidov har bir maktab o’qituvchilari hamda rahbariyati bilan alohida uchrashib O‘zbekiston Respublikasi Prezidentining 2020 yil 6 noyabrdagi “O‘zbekistonning yangi taraqqiyot davrida ta’lim-tarbiya va ilm-fan sohalarini rivojlantirish chora-tadbirlari to‘g‘risida”gi PF-6108-farmon asosida maktablarda qanday ishlar amalga oshirilayotganligi bilan qiziqdi. Universitet xususiyati va kafedralar salohiyatidan kelib chiqib, professor-o‘qituvchilar tomonidan maktabda faoliyat yuritayotgan fan o‘qituvchilarining malakasini oshirish va sifat tarkibini yaxshilashga ko‘maklashish aytib o`tildi.Shuningdek, tashriflar davomida universitet rektori ta’lim muassasalarining o‘quv laboratoriya sinflari, kutubxona, informatika, kasbga yo‘naltirish o‘quv xonalarining moddiy-texnika bazasi holati bilan yaqindan tanishdilar. Maktablar internet tarmoqqa ulanganligi, maktab kutubxonalari adabiyotlari yangilanganligi, maktab hojatxonalari sanitar-epidemiologik qoidalariga rioya etilishi yuzasidan o`rganildi. Maktab o‘quvchilari bilan bo‘lib o‘tgan davra suhbatlari davomida iqtidorli yoshlarni oliy ta’limga yo‘naltirish, ularning qiziqishlarini to‘g‘ri baholagan holda har tomonlama qo‘llab-quvvatlash borasida ma’lumotlar berib o’tdilar.BuxDU Matbuot xizmati
