2020-yilning 10-dekabr kuni BuxDU Iqtidorli talabalarning ilmiy–tadqiqot faoliyatini tashkil etish bo’limi Tarix va madaniy meros, Tabiiy fanlar fakulteti talabalari bilan navbatdagi uchrashuvni o’tkazishdi.Uchrashuvni Iqtidorli talabalarning ilmiy–tadqiqot faoliyatini tashkil etish bo’limi boshlig’i Akbarjon To’rayev, bo’lim muhandisi Zokirov Bobirjon, Tarix va madaniy meros fakulteti dekani Jo’rayev Jamshid Rahmatullayevich, o’quv ishlari bo’yicha dekan o’rinbosari Qurbonov O’ktam Rajabovich, Tabiiy fanlar fakulteti o’quv ishlari bo’yicha dekan o’rinbosari Niyozov Erkin Dilmurodovich va kafedralarning professor o’qituvchilari olib borishdi. Talabalarni ilmiy faoliyatini yanada rivojlantirish, talabarni Ustoz-shogird tizimida yetuk fan doktorlari professorlarga biriktirish, ingliz tili va kompyuter texnologiyalarni mukammal egallash, ilmiy maqolalarni Respublika va xalqaro jurnallarda chop etishga, xorijiy davlatlarga o’qish va stajirovkaga yuborish, Talabalar Respublika fan olimpiadalariga yuksak saviyada ishtirok etishini ta’minlash, O’zbekiston Respublikasi davlat stipendiyalariga maxsus tayyorlash borasida ilmiy maslahatlar berildi va kelajakdagi rejalar belgilab olindi. Uchrashuv so’ngida talabalar o’zlarini qiziqtirgan savollarga javob olishdi.
