Xalq ta’limi vazirligi hamda Oliy va o‘rta maxsus ta’lim vazirligining “Umumiy o‘rta ta’lim maktablarida “Yosh pedagoglar sinflari”ni tashkil etish to‘g‘risida”gi qaroriga ko‘ra 2020 yilning 11 yanvaridan o‘quvchilarda pedagogika kasbiga qiziqishni oshirish maqsadida respublikamizning barcha hududlarida bittadan, jami 14 ta umumta’lim muassasalarida “Yosh pedagoglar sinflar”i tashkil etildi.Qarorga binoan Buxoro viloyati Buxoro shahar 13-maktabida “Yosh pedagoglar sinflari” tashkil etildi va unda zamonaviy pedagogikaning metod va uslublarini o‘rgatishga qaratilgan pedagogika hamda psixologiya bo‘yicha o‘quv dasturlari yaratiladi. “Yosh pedagoglar sinflari”ga Buxoro davlat universiteti pedagogika kafedrasi professor-o‘qituvchilari biriktirilganligini inobatga olib, mazkur maktabda BuxDU "Pedagogika" kafedrasi filiali tashkil etildi. Joriy yilning 5 noyabr kuni "Pedagogika" kafedrasi professor-o'qituvchilar B.J.Umarov, A.T.Gulboyev, L.S.Eliboyeva va M.Sh.Hojiyevalar tomonidan davra suhbatlari va mahorat darslari o'tkazildi.
