Bayrog‘imiz, g‘urur va faxrimiz timsolidir. Vatanimizning beqiyos ramzidir. Quyosh ko‘kda falakning bayrog‘i bo‘lib porlab turibdi, ko‘ngilda muhabbat bayrog‘i hilpiraydi, ongimizni esa tafakkur bayrog‘i nurlantiradi. Ozod va obod Vatanimiz — O‘zbekistonning bayrog‘i ham bizni ulug‘ maqsadlar tomon boshlovchi buyuk mash’aladir. Davlat ramzlari har bir xalqning mustaqilligi, ozodligi, tinchligi va barqarorligi timsoli hisoblanadi. Davlat bayrog‘i va uning ramzi bugungi O‘zbekiston hududida qadimda mavjud bo‘lgan davlatlar bilan tarixan bog‘liqligini anglatadi hamda respublikaning milliy-madaniy an’analarini o‘zida mujassamlashtiradi.Shu munosabat bilan 2020-yilning 16-noyabr kuni Buxoro davlat universitetida "Yurt bayrog'i - xalq birdamligi" mavzusida respublika oliy ta'lim muassasalari uchun ma'naviy-ma'rifiy onlayn tadbir bo'lib o'tdi. Tadbirni BuxDU Yoshlar bilan ishlash bo'yicha prorektori A.M. Kadirov ochib berdi. Toshkent davlat yuridik universiteti professori Feruza Muxiddinova, BuxDU Milliy g'oya, ma'naviyat asoslari va huquq ta'limi ta'limi kafedrasi katta o'qituvchisi U.Sobirov, Filologiya hamda San'atshunoslik fakulteti professor-o'qituvchilari hamda talabalari tadbirda qatnashdilar.BuxDU Matbuot xizmati
