“Sog`lom bola yili” Davlat dasturi asosida qator tadbirlar amalga oshirib kelinmoqda. Mazkur davturning IV yo`nalish 82-bandiga asosan universitet talaba-yoshlari o`rtasida sog`lom turmush tarzini targ`ib qilishga bag`ishlab o`nlab tadbirlar amalga oshirildi. Jumladan, Fizika-matematika fakulteti talaba-yoshlar o`rtasida Buxoro viloyat OITSga qarshi kurash markazi va universitet“Ibn sino salomatlik maskani” ma’rifat markazi bilan hamkorlikda “OIV infeksiyasi to`g`risida bildasizmi?” mavzuida tadbir o`tkazildi. Tadbirda Buxoro viloyat OITSga qarshi kurash markazi vrachi S.Omonov, universitet “Ibn sino salomatlik maskani” ma’rifat markazi rahbari G.S.Murodova, BuxDU “Kamolot” YoIH BT etakchisi E.G`oyibov, fakulteti dekani Sh.M.Mirzayev, dekan muovinlari K.A.Samiyev, J.Z.Nuriddinov, birinchi kurs talabalari (100 nafar) va guruh rahbarlari ishtirok etdi. Buxoro viloyat OITSga qarshi kurash markazi vrachi S.Omonov so`zga chiqib,OIV infeksiyasi to`g`risida batafsil ma’lumot berdi. Tadbir davomida OIV infeksiyasi to`g`risida hujjatli film namoyish etildi.
