Yoshlarni madaniyat, san'at, jismoniy tarbiya va sportga keng jalb qilish, ularning axborot texnologiyalaridan foydalanish ko‘nikmalarini shakllantirish, kitobxonlikni targ‘ib qilish, xotin-qizlar bandligini oshirishga qaratilgan 5 ta muhim tashabbus hayotga samarali tadbiq etilmoqda.Ushbu islohotlarning mazmun-mohiyati va ahamiyatini xalqimizga yetkazish, targ‘ibot tadbirlarini mahallalar bo‘yicha o‘tkazish, aholi kayfiyatini ko‘tarish maqsadida “Yangi O‘zbekiston – yangicha dunyoqarash” ma’naviy-ma’rifiy targ‘ibot tadbirlari o‘tkazilib kelinmoqda. Targ‘ibot tadbirlarini samarali tashkil qilinishi, tayyorgarlik jarayonlariga ko’maklashish va kerakli tavsiyalarni berish maqsadida Buxoro davlat universiteti Yoshlar ittifoqi Boshlang’ich tashkiloti yetakchisi Feruz Karimov o’zi tahsil olgan Kogon shahridagi “Mustaqillik” MFY ga qarashli 8 – umumiy o’rta ta’lim maktabida tashkil etilgan tadbirga tashrif buyurdi.Tadbirda Buxoro davlat universiteti Yoshlar ittifoqi Boshlang’ich tashkiloti yetakchisi F.Karimov so’zga chiqib, yoshlarni madaniyat, san’at, jismoniy tarbiya va sportga keng jalb qilish, ularning axborot texnologiyalaridan foydalanish ko‘nikmalarini shakllantirish, kitobxonlikni targ‘ib qilish, xotin-qizlar bandligini oshirishga qaratilgan 5 ta muhim tashabbusning hayotga tatbiq etilishi yoshlarning jahon minbarlarining yuqori pog‘onasiga ko‘tarilishlari uchun keng imkoniyatlar eshigini ochganligini aytib o’tdi. Bugungi tadbirning asosiy maqsadi mahalla aholisining kayfiyatini ko‘tarish, ularning ertangi kunga ishonchini orttirish, yurtimizda kechayotgan islohotlarda faol ishtirok etish, mahalla va aholi o‘rtasida ishonchli va mustahkam aloqa o‘rnatish, yoshlarni mehr-oqibatli, milliy va umuminsoniy qadriyatlarga hurmat ruhida tarbiyalashni yanada kuchaytirishga qaratilganligi bilan belgilanadi. Bunday madaniy-ma’rifiy tadbirlarning boshqa mahallalarda ham tashkil etish kerakligini ta’kidladi.Tadbirda maktab o’quvchilarining chiqishlari, teatr tomoshalari, kitob yarmarkalari, qo’l mehnati bilan tayyorlangan buyumlar ko’rgazmalari tadbir ishtirokchilari e`tiboriga havola etildi.BuxDU Matbuot xizmati
