Yaxshilikning chegarasi yo'q. Bugungi kun ham mehr va e'tiborga muhtoj, imkoniyati cheklangan bolajonlar uchun quvonchlarga boy bo'ldi. 3-dekabr Xalqaro Nogironlar kuni munosabati bilan Tabiiy fanlar fakulteti jamoasi yana bir ezgu hamda savobli ishga qo'l urishdi. Tabiiy fanlar fakulteti dekani H.Artikova, Yoshlar bilan ishlash bo'yicha dekan o'rinbosari N.Jo'rayev, Ekologiya va Geografiya kafedrasi mudiri Y.Xolov, Ekologiya va Geografiya kafedrasi o'qituvchilari Z.Anvarova, D.Qalandarova, N.Shodiyeva hamda 4-bosqich geografiya ta'lim yo'nalishi talabalari hamkorlikda Buxoro shahridagi 27-son imkoniyati cheklanganlar maktab internatida bo'lishdi. Fakultet jamoasi har bir sohada keng imkoniyatlarga ega bolajonlar bilan suhbatlashishdi. Ularga turli xildagi sovg'alar va o'quv qurollari topshirildi. Imkoniyati cheklangan bolalar uchun ayni paytda yaratib berilgan sharoitlar bilan bevosita tanishib chiqildi.BuxDU Matbuot xizmati
