Mamlakatimizda amalga oshirilayotgan islohotlarning mazmun-mohiyati va ahamiyatini keng jamoatchilikka yetkazish, joylarda o‘tkazilayotgan targ‘ibot tadbirlarida aholining barcha qatlamlarini to‘la qamrab olish maqsadida 2020-yilning 11-noyabr kuni Buxoro shahar Turki Jandi MFYda joylashgan 29-umumta’lim maktabida “Yangi O’zbekiston – yangicha dunyoqarash” g‘oyasi ostida ma’naviy-ma’rifiy tadbirlari o’tkazildi. Unda Oʻzbekiston xalq artisti Tesha Husainovich Moʻminov, O‘zbekistonda xizmat ko‘rsatgan madaniyat xodimi, shoir Bobur Bobomurod, Buxoro viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari Xamrayev Mirali Muxammadjonovich, Buxoro viloyati hokimi o‘rinbosari - mahalla va oilani qo‘llab-quvvatlash boshqarmasi boshlig‘i Jumayev Yo'ldosh G'afurovich, Buxoro viloyati hokimining maslahatchisi Ibragimova Firuza Baxodirxonovna, Buxoro viloyat hokimligi vakillari, BuxDU rektori Obidjon Xafizovich Xamidov, Toshkent Moliya instituti rektori Teshabayev To'lqin Zakirovich, Toshkent davlat yuridik universiteti professori Feruza Muhiddinova, Toshkent davlat sharqshunoslik universiteti Yoshlar bilan ishlash bo'yicha dekan o'rinbosari G'ulom Arifjonov, Toshkent davlat agrar universiteti dotsenti Xusen Hamroyev, Toshkent davlat o'zbek tili va adabiyoti universiteti o'qituvchisi Ibodulla Uzoqov, O'zbekiston yozuvchilar uyushmasi vakillari, oliy ta’lim muassasalari professor-o‘qituvchilari, xalq ta’limi xodimlari, turli tashkilotlari vakillaridan iborat targ‘ibot guruhlar va boshqalar ishtirok etishdi.Tadbirda teatr tomoshalari, kitob yarmarkalari, qo’l mehnati bilan tayyorlangan buyumlar ko’rgazmalari tadbir ishtirokchilari e`tiboriga havola etildi.BuxDU Matbuot xizmati
