O`zbekiston Respublikasi Prezidentining 2014 yil 6 fevraldagi PQ-2124-sonli “O`zbekiston Respublikasi yoshlarga oid davlat siyosatini amalga oshirishga qaratilaga qo`shimcha chora-tadbirlari to`g`risida”gi qarorida belgilangan vazifalarning ijrosini ta’minlash maqsadida, 2014 yilning 27 fevral kuni Buxoro davlat universitetini tashabbusi bilan “Iqtisodiyot” kafedrasi professor-o`qituvchilari bilan hamkorlikda Olot Iqtisodiyot kollejida “Yosh tadbirkor – yurtga madadkor” mavzusida davra suhbati o`tkazildi.Davra suhbatida bitiruvchi talabalarga tadbirorlikni tashkil etish shakllari, tadbirkorlikning iqtisodiyotni rivojlantirishda katta xissasi borligi, biznes g`oyalar va ularni amalda qo`llash bo`yicha ham nazariy, ham amaliy tushunchalar berildi. Buxoro davlat universiteti katta o`qituvchisi Z.A.Qayimova, davlat tomonidan kollej bitiruvchilariga berilayotgan imtiyozlar, qulayolik va shart sharoitlar, bank xizmati turlari, bitiruvchilarning o`z tadbirkorlik faoliyatlarini yo`lga qo`yish maqsadida imtiyozli foizlarda mikrokreditlar ajratilishi, ta’minot turlari bo`yicha batafsil ma’lumotlar berdi. Davra suhbati kollejning katta yig`ingohida o`tkazilib, eng zarur va ahamiyatli ma’lumotlar slaydlar va elektron materiallar orqali o`quvchilarga taqdim etilidi. Biznes rejalarni tuzish tartibi, uning tarkibiy qismlari bo`yicha ma’lumotlar berildi. Uchrashuvda kredit olish istagi bor bitiruvchilarning har biri o`zlari tayyorlagan biznes rejalari, kollejda olib borayotgan tadbirkorlik faoliyatlari to`g`risida gapirib berdilar. Tadbirda kredit olish, uning imtiyozlari, qaytarish holatlari, foiz stavkalari to`g`risida ma’lumotlar berildi. Imtiyozchilarga biznesni boshlashda moliyaviy vosita bo`lmish, imtiyozli kreditlar berilgan kunidan boshlab 6 oyga foizni o`zi to`lanishi, so`ng kreditning asosiy miqdoridan belgilangan grafik asosida foiz bilan birlikda qo`shib to`lanishi aytib o`tildi. Bundan tashqari yosh tadbirkorlarni qo`llab-quvvatlash, ular faoliyatini rivojlantirish bo`yicha soliqlardagi imtiyozlar va ularning stavkalarini kamaytirish holatlari haqida fikrlar yuritildi. Hozirgi kunda tadbirkorlikni tashkil etishning eng yaxshi usullari, davlat ro`yxatidan o`tkazish uchun kerakli bo`lgan hajjatlar va ularning rasmiylashtirilishi haqida ma’lumotlar videoproektor orqali etkazib berildi. Mavzuga oid savol javoblar bo`lib o`tdi. Ishtirokchilar seminar davomida o`zlariga kerakli bo`lgan savollarga javob olishdi.
