11.01.2022

2020-yilning 9-noyabr kuni Buxoro davlat universitetida “Qishloq xo‘jaligida ixtisoslashgan klasterlarni shakllantirish: tajribalar, natijalar va innovatsion yondashuvlar”  mavzusidagi  Respublika  ilmiy-amaliy  anjumani tashkil etildi. Ushbu anjumanni Buxoro davlat universiteti rektori Obidjon Xamidov kirish so’zi bilan ochib berdi. Anjumanni Iqtisodiyot va turizm fakulteti dekani i.f.n., dotsent D.Sh. Yavmutov boshqardi. Anjumanda O‘zbekiston Respublikasi Qishloq xo‘jaligi vazirligi Agrar tadbirkorlikni rivojlantirish boshqarmasi bosh mutaxassisi Abdufarmonov Farrux Faxriddinovich “Qishloq xo‘jaligida agroklasterlarni rivojlantirishning ahamiyati” to‘g‘risida,  BuxDU Servis sohasi iqtisodiyoti kafedrasi professori, i.f.d. Navro‘z-Zoda Baxtiyor Negmatovich Agroturistik klasterlashtirish bosqichlari to’g’risida, Toshkent davlat moliya instituti professori, i.f.d. Nazarova Fotima Hakimovna Ixtisoslashgan klasterlarning respublikamiz iqtisodiyoti uchun ahamiyati to’g’risida, BuxDU  Xalqaro hamkorlik bo‘yicha prorektori Jo’rayev Abror Turobovich  Yevropa Ittifoqining qishloq xo‘jalik sohasidagi siyosati mavzusida, BuxDU ilmiy ishlar va innovatsiyalar bo'yicha prorektori O.S.Qahhorov Qishloq xo‘jaligida klasterlar tashkil etish va rivojlantirishning xorijiy davlatlar tajribasi mavzusida, BCT Cluster Agrokompleks" MChJ  Import bo‘limi mutaxassisi Temirova Dilnoza Axtamovna Respublikada paxta-to‘qimachilik klasterlari faoliyati rivojlantirishning ayrim jihatlari to'g'risida, Qishloq xo‘jaligi va oziq-ovqat sohasi iqtisodiyoti ilmiy–tadqiqot instituti ilmiy kotibi, i.f.n., katta ilmiy xodimi Askarov Nazimjon Niyozovich Ixtisoslashgan agroklasterlar faoliyatini rivojlantirish mavzusida, BuxDU Iqtisodiyot kafedrasi mudiri i.f.f.d. Abdulloyev Asliddin Junaydulloyevichlar mavzular bo’yicha ma’ruza qildilar.  Anjumanda BuxDU Iqtisodiyot va turizm fakulteti Iqtisodiyot kafedrasi professor-o'qituvchilari faol qatnashdilar. Ushbu anjuman to‘plamiga  yetakchi  olimlar,  professor-o‘qituvchilar,  katta  ilmiy xodim-izlanuvchilar,  mustaqil  izlanuvchilar ilmiy tadqiqot ishlari doirasida ilmiy maqolalari va ma’ruza tezislari kiritilgan. Mazkur  anjuman  qishloq xo‘jaligida klasterni  rivojlantirishning  ustuvor yo‘nalishlarini  aniqlash, Klasterlar faoliyatini tashkil qilish va rivojlantirishning huquqiy – me’yoriy asoslarini takomillashtirish, Klaster tizimida fermer xo‘jaliklarini samarali va barqaror faoliyat ko‘rsatishini ta’minlash yo‘llarini aniqlash  maqsadida  Buxoro  davlat  universitetining   Iqtisodiyot va turizm fakulteti “Iqtisodiyot” kafedrasida Davlat  ilmiy-texnik  dasturlari doirasida bajarilayotgan OT-F1-04(08) -raqamli   “Kooperasiya va integrasiya munosabatlari asosida fermer xo‘jaliklarida raqobatbardosh mahsulotlar yetishtirishning maqbul modellarini ishlab chiqish” fundamental  tadqiqotlar  loyihasi  doirasida  tashkil etilib, anjuman materiallari to‘planib nashr etilgan.BuxDU Matbuot xizmati