2020-yilning 23-noyabr kuni Buxoro shahar “Jo'ybor” MFYdagi 33-son umumta’lim maktabida «Yangi O‘zbekiston – yangicha dunyoqarash» mavzusidagi ma’naviy-ma’rifiy tadbir tashkil etildi.Ushbu tadbirda Buxoro davlat universiteti rektori O.X.Xamidov, Buxoro shahar hokim o‘rinbosari A.Hayitov, Toshkent Moliya instituti rektori Teshabayev To'lqin Zakirovich, BuxDU 1-kurs talabasi, shoira va Yozuvchilar uyushmasi a’zosi, Ibodat Rajabova, Maktabgacha va boshlangich ta’lim fakulteti dekani Q.R.To‘xsanov, “Jo'ybor” MFY raisi, rais o’rinbosari, 33-son umumta’lim maktab direktori, shuningdek “Ma’rifat” targ‘ibotchilar guruhi va Yozuvchilar uyushmasi a’zolari, siyosatchilar, olimlar, madaniyat arboblari, san’atkorlar hamda yoshlardan iborat Respublika targ‘ibot guruhi a’zolari, jurnalistlar va mahalla fuqarolari ishtirok etishdi. Buxoro shahridagi 33-son umumta’lim maktabi binosiga tashrif buyurgan targ‘ibot guruhi a’zolari dastlab mahalla fuqarolari bilan uchrashib, ular tomonidan qo‘l mehnati bilan yaratilgan xalq amaliy san’ati namunalaridan tarkib topgan ko‘rgazmani tomosha qilib, yuksak baho berdilar. Davlat va xususiy tashkilotlarning taqdimot va chiqishlarini kuzatish bilan birga tashkil etilgan sport o‘yinlari, she’rxonlik va kitobxonlik chiqishlaridan bahramand bo‘ldilar. Shundan so‘ng ma’naviy-ma’rifiy tadbirning badiiy qismida ishtirok etdilar.Tadbirni Buxoro davlat universiteti rektori professor O.X.Xamidov kirish so‘zi bilan ochib berdi. O.X.Xamidov yig‘ilganlarga yangi O‘zbekiston – yangicha dunyoqarash tushunchasining mohiyati haqida gapirib berdi. Mamlakatimiz aholisi uchun hukumatimiz tomonidan yaratilib berilayotgan keng imkoniyatlar haqida gapirib, o‘z fikrlarini dalillar bilan isbotlab berdi. O.X.Xamidov bugun respublikamiz bo‘yicha barcha hududlarda “YANGI O‘ZBEKISTON – YANGICHA DUNYOQARASH” shiori ostida o‘tkazilayotgan tadbirlar aholi orasida iliq kutib olinayotganligini alohida ta’kidladi. O‘z nutqida yurtimiz aholisining turmush darajasi kundan-kunga yaxshilanib, tinch va farovon yashayotganligi olib borilayotgan islohotlar samarasi ekanligini aytdi. Xususan, davlatimiz rahbari tashabbusi bilan ishlab chiqilgan 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi doirasida olib borilayotgan harakatlar va yoshlarning bo‘sh vaqtini yanada samarali tashkil etishga qaratilgan 5 ta muhim tashabbusning hayotga tadbiq etilayotgani samarasini alohida e’tirof etdi. Yoshlarni madaniyat, san’at, jismoniy tarbiya va sportga keng jalb qilish, ularning axborot texnologiyalaridan foydalanish ko‘nikmalarini shakllantirish, kitobxonlikni targ‘ib qilish, xotin-qizlar bandligini oshirishga qaratilgan 5 ta muhim tashabbusning hayotga tadbiq etilishi yoshlarning jahon minbarlarining yuqori pog‘onasiga ko‘tarilishlari uchun keng imkoniyatlar eshigini ochganligi aytib o‘tildi. Bugungi tadbirning asosiy maqsadi mahalla aholisining kayfiyatini ko‘tarish, ularning ertangi kunga ishonchini orttirish, yurtimizda kechayotgan islohotlarda faol ishtirok etish, mahalla va aholi o‘rtasida ishonchli va mustahkam aloqa o‘rnatish, yoshlarni mehr-oqibatli, milliy va umuminsoniy qadriyatlarga hurmat ruhida tarbiyalashni yanada kuchaytirishga qaratilganligi bilan belgilanadi. Bunday madaniy-ma’rifiy tadbirlarning boshqa mahallalarida ham tashkil etish kerakligini ta’kidladi.Shuningdek Toshkent Moliya instituti rektori Teshabayev To'lqin Zakirovich ham so'zga chiqib TATU da ilmiy ish qilayotgan Buxorolik doktorant haqida o'zlarini fikr-mulohazalarini bildirib yurtimizda shunday yoshlar borligi bilan faxrlanib aytdilar. So’ngra tadbir ishtirokchilariga o‘zlarining «Yangi O‘zbekiston – yangicha dunyoqarash» targ’ibot guruhi tomonidan tayyorlangan shukronalik hissini paydo qilish maqsadidagi “Shukronalik” videoroliklari mehmonlarga namoyish etildi. Bu videorolik barcha o’tirganlarga chuqur ta’surot qoldirdi.Shoira va yozuvchilar uyushmasi a’zosi Ibodat Rajabova vatan haqidagi she’rlari bilan barchada faxr hissini uyg‘otdi.Tadbir davomida go‘zal kuy va qo‘shiqlar yangrab, barchani xushnud etdi. Buxorolik yosh tadbirkor faoliyatiga bag‘ishlangan videorolik namoyish etildi. Buxoro viloyat yozuvchilar uyushmasi a’zosi Ibodat Rajabovaning “Ona” she’rlaridan barchaning ko’ziga yosh keldi. Tadbir davomida targ‘ibot guruhi a’zolari shiddat bilan borayotgan Globallashuv jarayonida yosh avlodni tarbiyalashda keksa nuroniylar, mahalla faollari o‘rni katta ekanligi, jamiyatda xotin-qizlar faolligini oshirish ularni ish bilan ta’minlash, yoshlarni ijtimoiy faollashtirishga va qo‘llab-quvvatlashga qaratilgan innovatsion g‘oyalar va yondashuvlar, ularning ijrosi, natijasi haqida so‘z bordi. San’at ahlining ijodi mehmonlarga ko‘tarinki kayfiyat, bayramona ruh bag‘ishladilar. BuxDU Matbuot xizmati
