11.01.2022

2020-2021 o’quv yilida Buxoro davlat universiteti Xorijiy tillar fakulteti Filologiya va tillarni  o’qitish (ingliz tili) ta’lim yo’nalishi talabalari pedagogik amaliyotni Buxoro shahar va tuman maktablarida o’tashdi.  Xorijiy tillar fakulteti Ingliz tilshunosligi kafedrasi o'qituvchilari F. E. Yuldasheva hamda I. I. Akramovlar joriy yilning 30-oktabr kuni Vobkent tumanidagi 26 - maktabda pedagogik amaliyot o'tayotgan 4-kurs 11-2 ing 17 guruh talabasi Hakimova Gulruh, 11-4 ing 17 guruh talabalari Rasulova Ma’rifat hamda Sunnatova Fotima, shuningdek, 11-5 ing 17 guruh talabasi Aminjonova Azizalarning faoliyati bilan tanishish maqsadida ushbu maktabga tashrif buyurdilar. Talabalar tomonidan bir qator ma`naviy- ma`rifiy  tadbirlar va bellashuvlar tashkil etildi.  Bundan tashqari , bir nechta ochiq dars hamda amaliy mashg`ulotlar   tahlil etilib, dars davomida talabalar tomonidan yo’l qo’yilgan kamchilik va yutuqlar aytib o'tildi. Maktab ma'muriyati talabalarning pedagogik amaliyot davridagi faol ishtirokidan minnatdor ekanligini bildirishdi.BuxDU Matbuot xizmati