Respublika Ma’naviyat va ma’rifat markazi Buxoro viloyat bo‘limi hamda "Ma’rifat" targ‘ibotchilar jamiyati tomonidan O‘zbekiston Musulmonlari idorasi viloyat vakilligi, O‘zbekiston Yozuvchilar uyushmasi viloyat bo‘limi, viloyat madaniyat boshqarmasi, Buxoro davlat universiteti, Buxoro muhandislik texnologiya instituti, Buxoro davlat tibbiyot instituti, Toshkent irrigasiya va qishloq xo‘jaligini mexanizasiyalash muhandislari instituti Buxoro filiali bilan hamkorlikda “2020 yil – “Ilm-ma’rifat va raqamli iqtisodiyotni rivojlantirish yili” munosabati bilan Buxoro davlat universiteti faollar zalida “Jaholatga qarshi ma’rifat bilan kurashgan mutafakkirlar” shiori ostida "Jaholatga qarshi ma’rifat: o‘tmish va hozirgi zamon" mavzusida buyuk ajdodlarimiz, jumladan, XX asr jadid adabiyoti namoyandalari hayoti, ijodi, taraqqiyparvar g‘oyalari targ‘ibotiga bag‘ishlangan viloyat miqyosidagi ilmiy-amaliy konferensiya tashkil etildi.Tadbir jarayonini ZOOM dasturi orqali taniqli adabiyotshunos, tarixchi olimlar, tadqiqotchi, professor-o‘qituvchilar, talabalar, ommaviy axborot vositalari xodimlari va keng jamoatchilik vakillari kuzatib bordi. Dastlab tadbirni Ma’naviyat va ma’rifat markazi Buxoro viloyat bo‘limi M.Pardayeva ochib berdi.So‘ng Buxoro davlat universiteti tuzilmasidagi qatag‘on qurbonlari xotirasi muzeyi direktori, "Ma’rifat" targ‘ibotchilar jamiyati a’zosi A.Hamroyev jadidchilik harakati namoyandalari hayoti, ijodi va taraqqiyparvar g‘oyalarining ilm-fanda tutgan ahamiyati, yurtimiz va dunyo tamadduni rivojidagi muhim o‘rni haqida ma’ruzalari tinglandi.Konferensiya va filmlar yaratish orqali buyuk ajdodlarimiz ma’naviy-ma’rifiy merosi, jumladan, jadid namoyandalari qoldirgan merosni tadqiq qilish, vatanparvarlik, millatparvarlik va taraqqiyparvarlik g‘oyalarini keng targ‘ib etish, ularning musiqa san’ati rivojiga qo‘shgan hissasi borasida viloyat madaniyat boshqarmasi rahbari Y.Genjayev fikr yuritdi.Jadidlarning ma’naviy-ma’rifiy qarashlari jaholatga qarshi ma’rifat bilan kurashda asosiy vositalardan biridir. Shuning uchun ham o‘zbek jadidlarining ilmiy va ijodiy merosi bugungi kun yangi avlod tarbiyasida muhim o‘rin tutadi. Ularning diniy bilimlarni dunyoviy bilimlar bilan hamjihatlikda olib borish bo‘yicha olib borgan targ‘ibot ishlari haqida O‘zbekiston Musulmonlari idorasi viloyat vakilligi rahbari, "Ma’rifat" targ‘ibotchilar jamiyati a’zosi J.Elovning mazmunli ma’ruzalari tinglandi.Konferensiyada davlat hokimiyati organlari, turli tashkilot va ta’lim muassasalariga jadid ma’rifatparvarlari olg‘a surgan tarbiyaviy, madaniy-axloqiy, adabiy-estetik g‘oya va tushunchalarni “Uzluksiz ma’naviy tarbiya Konsepsiyasi” ya’ni zamonamizdagi ma’naviy-axloqiy muammolarni hal qilishda foydalanish, buyuk mutafakkir, o‘zbek jadidlarining yetakchilari tavallud yillariga bag‘ishlab keng miqyosda targ‘ibot tadbirlari tashkil etish hamda O‘zbekistondagi jadidchilik harakatini dunyoning boshqa mintaqalari, qo‘shni va qardosh respublikalardagi ma’rifatparvarlik harakatlari bilan qiyosiy-tipologik yo‘sinda tadqiq etish kabi takliflar bo‘yicha "Ma’rifat" targ‘ibotchilar jamiyati a’zolari N.Nurmatova va S.Raupovlarning fikrlari tinglandi.Shuningdek, konferensiyada quyidagi shoʻbalar bo‘yicha o‘zbek, rus va ingliz tillarida ilmiy maqolalar qabul qilindi:1. XX asrma’rifatparvarlik harakati: Jadidchilikning yuzaga kelishi va tarixiy muhit (tarix);2. O‘zbek jadid adabiyoti: Milliy uyg‘onish va istiqlol tafakkuri;3. Jadid pedagogikasi: Ma’rifatparvarlik g‘oyalari va zamonaviy ta’lim (pedagogika, axloqshunoslik);4. O‘zbek jadidlarining ijtimoiy-siyosiy, ma’naviy-ma’rifiy qarashlari (siyosatshunoslik, san’atshunoslik, teatrshunoslik, miliy g‘oya va h.k.);5. O‘zbek jadidchilik harakatining mintaqaviy va xalqaro miqyosda o‘rganilishi.XX asr jadid adabiyoti namoyandalari hayoti, ijodi, taraqqiyparvar g‘oyalari bilan bog‘liq ilmiy masalalar ko‘rib o‘tildi. Tashkiliy guruh tomonidan tanlab olingan sara maqolalar Respublika Ma’naviyat va ma’rifat markazi Buxoro viloyat bo‘limi hamda hamkor tashkilotlarning ijtimoiy tarmoqdagi sahifalariga yoritiladi, OAVlarida e’lon qilinadi.Mamlakatimizdagi yetuk tadqiqotchilar, tarixchi va adabiyotshunos olimlardan iborat ekspertlar guruhi tomonidan saralab olingan konferensiya materiallarini to‘plam holida chop etildi. Konfirensiya viloyat televideniyesida yoritildi. Nasiba IbodovaMa’naviyat va ma’rifat markaziBuxoro viloyat bo‘limi axborot xizmati
