11.01.2022

So‘ngi ikki yil mobaynida Universitetda xorijiy talabalar soni oshib, ularning soni 317 nafarga yetdi. Hozirda ularning 304 nafari Turkmaniston fuqarolari hisoblanadi.Joriy yilning 16 martidan O‘zbekiston Respublikasi Maxsus Komissiyasining pandemiya davrida karantin choralarini belgilab berishi munosabati bilan universitetning aksariyat xorijlik talabalari talabalar turar joyida zarur xavfsizlik choralari ko‘rilgan tartibda joylashtirildi.Hozirda 286 nafar Turkmanistonlik talabalar Buxoroda istiqomat qilayotgan talabalarning 8 nafari qarindoshlarinikida, 278 nafari talabalar turar joyida yashamoqda.Mart oyidan hozirga qadar Turkmaniston elchixonasi va konsulligi tomonidan 3 marta tashrif amalga oshirilib, talabalardan xabar olindi va 2020 yil sentyabrь oyida 4 nafar bitiruvchi va bir nafar sirtqi ta’lim talabasi elchixona yordami bilan Turkmanistonga jo‘nab ketdi.Hozirgi davrgacha talabalar tinchligi va sog‘ligidan xabardor bo‘lib turish maqsadida dekanatlar tomonidan professor-o‘qituvchilar navbatchiligi tashkil etilgan. Viloyat ko‘p tarmoqli 3-son poliklinikasidan 2 nafar hamshira va bir nafar malakali vrach biriktirilgan bo‘lib, ular zarur vaqtda talabalarga tibbiy maslahat va yordam bermoqda. Shuningdek, universitet tomonidan qattiq karantin davomida talabalarga to‘qqiz xil turdagi mahsulotlar bepul yetkazilib turildi. Bundan tashqari turli kafedralar tomonidan talabalari uchun tadbirlar tashkil etilib, ularga qo‘shimcha oziq-ovqatlar ulashildi va bunday tadbirlar davom etmoqda.O‘z navbatida talabalar bo‘sh vaqtlarini unumli o‘tkazish maqsadida, ular bilan karantin qoidalariga rioya qilgan holda sport o‘yinlari, O‘zbekiston va Turkmaniston Ryespublikasi milliy bayramlariga atab tadbirlar, universitet rahbariyati bilan uchrashuvlar o‘tkazilib kelinmoqda. Jumladan joriy yilning 21 oktyabr kuni O‘zbekiston Respublikasi O‘zbek tili bayrami kuni munosabati bilan talabalardan universitet rahbariyati, fakultetlar professor-o‘qituvchilari xabar olishdi. Uchrashuvlar jarayonida ular bayram bilan tabriklandi va fikr mulohazalari tinglandi. Talabalarni qiziqtirayotgan savollarga javob berildi.BuxDU Matbuot xizmati