“Sog`lom bola yili” Davlat dasturi asosida qator tadbirlar amalga oshirib kelinmoqda. Mazkur dasturning IV yo`nalish 82-bandiga asosan universitet talaba-yoshlari o`rtasida sog`lom turmush tarzini targ`ib qilishga bag`ishlab o`nlab tadbirlar amalga oshirildi. Jumladan, Kimyo-biologiya fakulteti talaba-yoshlari o`rtasida 2014 yil 20 may kuni “Yoshlar o`rtasida mikronutriyent yetishmovchiligi profilaktikasi” mavzuida davra suhbati o`tkazildi.Tadbirda fakultet dekani H.T.Artikova, Ma’naviy-ma’rifiy ishlar bo`yicha dekan muovini A.M.Mavlonov, Tabiatshunoslik kafedrasi mudiri M.M.To`raev, ”Tabiatshunoslik” kafedrasi o`qituvchisi N.R.Ochilova, BuxDU “Ibn Sino salomatlik maskani” ma’rifat markazi rahbari G.S.Murotova va 1 kurs talabalari ishtirok etdi. Davra suhbatida aholi salomatligini ta’minlashning birdan bir yo`li organizmga kerakli bo`lgan mikronutrientlar etishmovchiligining oldinini olish zarurligi, buning uchun har bir inson organizm uchun zarur bo`lgan barcha mikronutrientlarga boy bo`lgan oziq-ovqat mahsulotlarini iste’mol qilish kerakligi to`g`risida talaba-yoshlarga ma’lumot berildi.
