2014 yil 17 noyabr kuni universitet kichik majlislar zalida AKT kafedrasi mudiri, O`zR FA akademigi, Saidaxror Saidaxmedovich G`ulomov bilan “Sog`lom bola - obod turmush poydevori” mavzuida davra suhbati o`tkazildi. Davra suhbatida universitet ma’muriyati hamda 100 nafardan ortiq professor-o`qituvchi va talaba-yoshlar ishtirok etdi. O`zR FA akademigi, Saidaxror Saidaxmedovich G`ulomov davra suhbatida respublikamizdagi iqtisodiy o`sishlar, ona va bola salomatligi kabi mavzularda hozirgi kunning eng dolzarb masalari borasida fikr mulohazalarini bildirdi. Shuningdek, “Sog`lom bola yili” Davlat dasturi to`g`risida ma’lumot berdi. Ushbu dasturga ko`ra 4 trln. 509 mlrd. so`m hamda 302,9 mln mln. AQSH dollari ajratilgan bo`lib, unda bolalar tug`ilishi, ta’lim-tarbiyasi, oilada sog`lom muhitni, uning iqtisodiy va ma’naviy-ahloqiy asoslarini mustahkamlash, ijtimoiy soha rivojiga ajratilayotgan mablag`lar samaradorligini oshirish bilan bog`liq barcha masalalar aks etganligini takidladi. Davra suhbatida ishtirok etgan professor-o`qituvchi va talabalar tomonidan Saidaxror Saidaxmedovich G`ulomovga bir necha savollar bilan murojaat etdilar va yetarli daraja javob oldilar.
