2014-yil 24-yanvarda Buxoro madaniyat kolleji bilan hamkorlikda “Vatan himoyasi – muqaddas burch” mavzusida katta tadbir o`tkazildi. Ushbu tadbirni o`tkazishdan maqsad har bir shaxs ongiga, qalbiga vatanparvarlikdek yuksak tuyg`uni, mardlik, jasurlik singari fazilatlarni singdirishdir.Tadbir Buxoro davlat universiteti va Buxoro madaniyat kollejida hamkorlikda o`quv jarayoni, o`quv-uslubiy, ma’naviy-ma’rifiy va ilmiy tadqiqot ishlarini samarali tashkil etish, takomillashtirish va rivojlantirish borasida o`zaro hamkorlik qilish maqsadida o`tkazildi. Tadbirda Buxoro davlat universiteti Akademik lisey va kasb-hunar kollejlari bilan ishlash bo`yicha prorektor G`.I.Botirov, Buxoro madaniyat kolleji direktori G.B.Xusenova, Pedagogika kafedrasi mudiri G.N.Najmiddinova, Pedagogika kafedrasi o`qituvchisi A.T.Gulboev, Pedagogika kafedrasi dosenti B.Q.Xodjiev va kollej talabalari ishtirok etishdi. Tadbirda davomida professor-o`qituvchilarimiz tomonidan “Milliy armiyamiz-mustaqilligimizning, tinch va osoishta hayotimizning mustahkam kafolatidir”, “Vatanparvarlikni chinakkam e’tiqodga aylantiraylik”, “Yoshlarni vatanparvarlik ruhida tarbiyalash fuqarolik jamiyatini qurishning negizidir” mavzusidagi ma’ruzalar o`qildi. Tadbir davomida Buxoro Madaniyat kolleji, Tasviriy san’at yo`nalishi talabalari tomonidan ko`rgazmalar tashkil etildi. Ko`rgazmada qalam tasvir, rangtasvir, zardo`zlik san’ati namunalari namoishi bo`lib o`tdi va “Jonajon vatan”, “Mutrabo”, “Yurt”, “O`zbekiston” nomli ko`shiqlar jonli ijro etildi. Kollejning drama teatri guruhi talabalari ishtirokida “Jonajon vatan” nomli sahna ko`rinishi mehmonlar e’tiboriga namoish etildi. Tadbir yakunida o`qituvchilar, talabalar va ishtirokchilar faxriy yorliqlar bilan taqdirlandilar.
